Босхо гектары ылыыга Уһук Илин олохтоохторуттан тохсунньу 11 күнүнээҕи туругунан, 31579 сайабылыанньа киирдэ.
Акимова Анивера, «Саха сирэ»хаһыат, https://edersaas.ru
Алтынньы 1 күнүттэн Уһук Илиҥҥэ «босхо гектары» биэриини сүрүннүүр федеральнай сокуон иккис түһүмэҕэ күүһүгэр киирэн, аны тарбахха баттанар күнүнэн үһүс түһүмэх саҕаланыахтаах. Олунньу 1 күнүттэн Россия бары олохтоохторо Уһук Илин регионуттан босхо сири быстаран ылар кыахтаныахтара.
Бүгүҥҥү туругунан, 31579 сайабылыанньа киирбититтэн, 9516-та Саха сиригэр тиксэр. Уһук Илин регионнарыттан киирбит сайабылыанньаттан 1661 көтүрүлүннэ, судаарыстыбаннай регистрацияны 268 дуогабар ааста, оттон 1684 сайаапка боломуочуйалаах уорганнар көрүүлэригэр киирэн сытар, 4056 сайабылыанньаҕа аккаас кэлэн, төттөрү бэрилиннэ.
Онон, аҕыйах күн хаалбытынан, туттумахтаһан хаалыҥ. Сир хаһан баҕарар наада.
Акимова Анивера, «Саха сирэ»хаһыат, https://edersaas.ru