Ил Дархан Айсен Николаев бүгүн, бэс ыйын 18 күнүгэр, өрөспүүбүлүкэҕэ коронавирус балаһыанньатын иһитиннэрэригэр, балаһыанньа кытааппытын эттэ.
—Биир хонук иһигэр, уопсайа, 99 киһи коронавирус дьаҥар хаптарда. Бу бэс ыйыгар, биир хонукка элбэх көрдөрүү,— диэтэ. Дьаҥ тарҕаныыта дьон мааската суох сылдьыытыттан, ирдэбили тутуспаттарыттан буоларын ыйда.
Бу ыалдьыбыттартан 74 — Дьокуускай куоракка олорор дьон. Биэстии киһи Нерюнгрига уонна Нам улууһугар, түөртүү киһи — Мииринэйгэ уонна Мэҥэ Хаҥаласка, үс киһи — Алдаҥҥа уонна биирдиилээн ыалдьааччылар хас да улууска бэлиэтэммиттэр.
Дьаҥ туруоҕуттан өрөспүүбүлүкэ үрдүнэн барыта 3389 киһи коронавирустаабыта бэлиэтэнэр.
+1
+1
+1
+1
+1
+1
+1