Биэс оҕолоох аҕа түөкүҥҥэ киирэн биэрдэ

Ааптар: 
Бөлөххө киир:

Алдан оройуонун элбэх оҕолоох 38 саастаах олохтооҕо снегоход атыылаһаары түөкүттэр угаайыларыгар киирэн биэрбит. 

edersaas.ru

СӨ ИДьМ-тын пресс-сулууспата иһитиннэрбитинэн, социальнай ситимҥэ 170 тыһ. солк. сыаналаах, биллэр мааркалаах снегоход атыылыылларын туһунан биллэриини аахпыт уонна ыйыллыбыт төлөпүөн нүөмэригэр эрийбит. Онуоха анараата  100 тыһ. солк. эрдэ төлүүрүгэр эппит.

Оттон тоҕо сыаната чэпчэкитин ыйыппытыгар, «атыылааччы» снегоходтары бэйэтэ хомуйарын, саппаас чаастарын кыраныысса таһыттан аҕаларын туһунан итэҕэтиилээхтик кэпсээбит. Өссө бүтэһик снегоход хаалла диэн, харчытын түргэнник ыытарыгар тиэтэппит.

Алдан киһитэ ону итэҕэйэн, ыйыллыбыт нүөмэргэ 100 тыһ. солк. харчытын ыыппыт. Ол кэнниттэн «атыылааччы» төлөпүөнэ эппиэттээбэт буолбут, кэлин олох да арааран кэбиспит.

Элбэх оҕолоох аҕа албыннаппытын дьэ өйдөөн, тута полицияҕа тыллаабыт.

Бу чахчынан бэрэбиэркэ ыытыллар.

Полиция сэрэтэр: убаастабыллаах гражданнар! Интэриниэт ситиминэн табаар атыылаһаргытыгар, өҥөлөрүнэн туһанаргытыгар, болҕомтолоох уонна сэрэхтээх буолуҥ. Пааспаргыт дааннайдарын, каартаҕыт ПИН-кодтарын этэн биэримэҥ. Табаары атыылаһаргытыгар харчыгыт сүүс бырыһыанын көрдүүр буоллахтарына, сэрэхэдийиҥ. Бэйэҕитин албыннатымаҥ!

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0