Биэрэпиһи тэрийэн ыытыыга уларыйыылар киирдилэр
Олох-дьаһах

Биэрэпиһи тэрийэн ыытыыга уларыйыылар киирдилэр

Аны күһүн ыытыллар Бүтүн Арассыыйатааҕы нэһилиэнньэ биэрэпиһин Саха Өрөспүүбүлүкэтигэр тэрийии итиэннэ ыытыы боломуочуйата олохтоох салайыы уорганнарыгар бэрилиннэ.

edersaas.ru

Ол туһунан тустаах сокуон Ил Дархан Айсен Николаев уонна Бырабыыталыстыба көҕүлээһиннэринэн, Ил Түмэн XVII (уочарата суох) пленарнай мунньаҕар бигэргэннэ. Онон, Бүтүн Арассыыйатааҕы нэһилиэнньэ биэрэпиһэ тэриллэр, ыытыллар сирин быһаарыы, миэбэлинэн, сибээһинэн итиэннэ нэһилиэнньэ туһунан чахчылары хомуйууга, түмүүгэ үлэлиир дьонунан, тиэхиньикэнэн хааччыйыы, биэрэпис докумуоннарын харайыы боломуочуйата барыта муниципальнай тэриллиилэргэ сүктэрилиннэ. Итини таһынан, өрөспүүбүлүкэ бүддьүөтүттэн нэһилиэнньэ биэрэпиһин тэрийиигэ уонна ыытыыга көрүллэр үбү тыырыы бэрээдэгэ сокуонунан быһаарылынна. Олохтоох салайыы уорганнара бу судаарыстыбаннай боломуочуйанан 2020 сыл ахсынньы 20 күнүгэр диэри туһаналлар. Сокуон бэчээккэ тахсыбыт күнүттэн күүһүгэр киирэр.

Раиса Сибирякова, «Саха сирэ» edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

7 + 14 =