Биһигини кытта бииргэ буолуҥ

Ааптар: 
Бөлөххө киир:

Дьокуускайга А.Е.Кулаковскай аатынан норуоттар доҕордоһууларын дьиэтэ коронавирус дьаҥын бохсон, үлэтин-хамнаһын куйаар ситиминэн тэрийэн ыытар. 

Бу туһунан норуоттар доҕордоһууларын дьиэтин пресс-сулууспата иһитиннэрэр. Ол курдук дьон-сэргэ болҕомтотун видеороликтар, билиини-көрүүнү тургутар оонньуулар, онлайн кэнсиэртэр,  кэтэхтэн күрэстэр, быыстапкалар ордук тардыбыттарын бэлиэтииллэр.

Ыам ыйын 1 күнүгэр А.Е.Кулаковскай аатынан норуоттар доҕордоһууларын дьиэтэ «75 эйэлээх сыл» 1945 -2020 сс. үрдүк тэрээһиннээхтик тэрийбитэ. Бар дьону бу аадырыһынан киирэн көрөргүтүгэр ыҥырар. http://ddnykt.ru/?p=26434

Эмиэ бу бэлиэ күн, норуоттар доҕордоһууларын дьиэтин кэлэктиибэ онллайнынан эҕэрдэтэ сүргэни көтөҕөр.

Ыам ыйын 2 күнүгэр – онлайн тест – викторина «Аҕа дойду улуу сэриитин устуоруйатын төһө билэҕит. 1941-1945 сс.» Сэргээбиттэр, сэҥээрбиттэр киирэн көрүҥ, ыйытыыларга хоруйдааҥ. http://ddnykt.ru/?p=26421

Ыам ыйын 5 күнэ —СӨ норуодунай артыыстара Екатерина уонна Алексей Егоровтар норуоттар доҕордоһууларын дьиэтин иһинэн тэрийбит «Сырдык сүүрээн» вокальнай устуудьуйаларын оҕолоро А. Майер тылларыгар, Т.Ветрова музыкатыгар «Отмените войну» ырыаны ыраахтан, дистанционнайынан толоруулара болҕомтону тардар. Ырыата истиҥ, сэргэхсийиҥ. https://youtu.be/JMM4i2QuwiI

Ыам ыйын 5 күнүгэр Улуу Кыайыы 75 сылыгар анаан, «75 сыл эйэлээх халлаан анныгар» онлайн кэнсиэри  манна киирэн көрүөххүт.  https://youtu.be/OEth_RtfNRc

Ыам ыйын 6 күнүгэр А.Е.Кулаковскай аатынан норуоттар доҕордоһууларын дьиэтин кэлэктиибэ уонна национальнай-култуурунай түмсүүлэр бэрэстэбиитэллэрэ COVID-19 дьаҥы бохсон,  «Вместе мы — сила, победим коронавирус!» рекламнай ролигынан тахсан, дьону-сэргэни бары ирдэбиллэри тутуһарга ыҥыраллар. https://youtu.be/xL0YQ5NTMWM

Ыам ыйын 6 күнүгэр «Стоп, коронавирус!» видеоролигы көрүөххүтүн сөп.

Ыам ыйын 7 күнүгэр норуоттар доҕордоһууларын дьиэтин үөрэтэр-методологическай киинэ уонна СӨ норуоттарын Ассамблеята СӨ Тас сибээскэ уонна норуоттар дьыалаларыгар министиэристибэтин өйөбүлүнэн, куйаар ситиминэн  «Кинилэр Кыайыыны уһансыбыттара» диэн өрөспүүбүлүкэҕэ өйтөн суруйуу кэтэхтэн күрэһэ тэриллибитэ.

Ыам ыйын 7 күнүгэр РФ — Албан аат уонна Өйдөбүнньүк, СӨ — Дойдуга бэриниилээх буолуу сылларынан, араас тэрээһиннэр уонна аахсыйалар үрдүк таһымнаахтык ыытылыннылар. Норуоттар доҕордоһууларын дьиэтэ Улуу Кыайыы 75 сылыгар аналлаах  айар уонна гуманитарнай бырайыактары тэрийдэ. Үөрэтэр- методологическай киин «Фронтовой треугольник» дьиэ кэргэттэргэ аналлаах виртуальнай быыстапката улахан кэрэхсэбили ылла.

Ыам ыйын 8 күнүгэр А.Е.Кулаковмскай аатынан норуоттар доҕордоһууларын дьиэтин иһинэн үлэлиир «Ярилов день» үҥкүү норуодунай ансаамбыла Улуу Кыайыы 75 сылыгар видеоролига болҕомтону тардар. https://youtu.be/85sqjaWNbZE

Ыам ыйын 6-7-8 күннэригэр норуоттар доҕордоһууларын дьиэтэ «Баку» азербайджаннар общиналарын кытары (бэрэссэдээтэл Мамедов Алиш Забид-оглы)  Улуу Кыайыы күнүнэн патриотическай аахсыйаны тэрийбиттэрэ. Аҕа дойду улуу сэриитин кыттыылаахтарыгар, тыыл бэтэрээннэригэр, сэрии сылларын оҕолоругар, Ленинград блокадатын кыттыылаахтарыгар, концлааҕырдарга эрэйи көрбүттэргэ ас-үөл набордара уонна өйдүү-саныы сылдьарга бэлэхтэр туттарыллыбыттара. Маны сэргэ, бу тэрээһини тэрийбиттэр — волонтердар  уонна Олег Романов салайааччылаах биир идэлээх сойуустар тэрилтэлэрэ, тэрилтэ үлэһиттэригэр, тыыл бэтэрээнэ төрөппүттэрдээх дьоҥҥо өйдүү-саныы сылдьарга бэлэхтэри туттарбыттара. Патриотическай аахсыйаҕа барыта 115 киһи хабыллыбыта.

Ыам ыйын 8 күнүгэр норуоттар доҕордоһууларын дьиэтин бары үлэһиттэрин ийэлэрин, аҕаларын, эбээлэрин, эһээлэрин хаартыскаларынан бэртээхэй коллаж оҥоһуллубута.

Бу күн «Этот день Победы» диэн аан бастаан интэриниэт-эстэпиэтэ ыытыллыбытыгар 50-тан тахса киһи  Сунтаартан, Горнайтан, Амматтан, Өймөкөөнтөн, Кэбээйиттэн, Намтан, Мииринэйтэн уонна Дьокуускайтан кыттыбыттара, сүргэлэрэ улаханнык көтөҕүллэн туран «День Победы» ырыаны доргуччу ыллаабыттара. Маныаха оҕолор кыттыыны ылбыттара кэрэхсэбиллээх. https://youtu.be/mnkPfRQUXQI

Маны сэргэ, бу күн, ытык дьонноругар, аҕаларыгар, эһээлэригэр сүгүрүйэн уонна кинилэр ааттарын Өлбөт үйэлээх полк видеоролигар көрүөххэ сөп диэн анаан устубуттарын, чочуйан оҥорбуттарын көрүөххэ сөп.  https://youtu.be/ZzvsPTdimT4

Муус устар 27 күнүгэр «Светись и славься на века, Якутия моя» онлайн кэнсиэр уонна  Өрөспүүбүлүкэ күнүнэн национальнай-култуурунай түмсүүлэр эҕэрдэлэрэ видеоролигынан «Саха» НКИХ көрдөрүллүбүтэ.

Ыам ыйын 1 күнүгэр «Саха» НКИХ экраныгар Күөх Маайынан эҕэрдэ видеоролик болҕомтону тардыбыта, көрөөччүлэри сэргэхсиппитэ.

Ыам ыйын 8 күнүгэр СӨ норуодунай артыыһа Владимир Татаринов «Кыайыы сылын оҕото» үбүлүөйдээх айар бырайыагын дьон кэрэхсээбитэ.

Ыам ыйын 9-10 күннэригэр «75 мирных лет» онлайн кэнсиэр «Якутия 24» ханаалынан икки төгүллээн көстүбүтэ.

Улуу Кыайыы күнүнэн РФ Өйдөбүнньүк уонна Албан аат, СӨ Дойдуга бэриниилээх буолуу сылларынан, А.Е. Кулаковскай аатынан норуоттар доҕордоһууларын дьиэтэ СӨ төрүт олохтоох аҕыйах ахсааннаах хотугу норуоттарын Ассоциациятын уонна СӨ Тас сибээскэ уонна норуоттар дьыалаларыгар министиэристибэ өйөбүллэринэн, «Потомки о героях Бессмертного полка северян» онлайн аахсыйаны социальнай тиһиктэринэн @kmns_ddn_kulakovskogo тэрийэн ыыппыта.

Ыам ыйын 11 күнүгэр «Саха» НКИХ ханаалыгар «Эн уонна мин» диэн «Сырдык суурээн» (салайааччылар СӨ норуодунай артыыстара Екатерина, Алексей Егоровтар) кэнсиэрэ көрдөрүллүбүтэ.

Аан дойдуну аймаабыт коронавирус дьаҥа төһө да Саха сиригэр тиийэн кэлэн улахан долгуйууну таһаарбытын иһин, А.Е.Кулаковскай аатынан норуоттар доҕордоһууларын дьиэтэ киэҥ былааннаах үлэтин ыраахтан олорон куйаар ситиминэн сатабыллаахтык тэрийэн ыытар.  Көрөөччүлэрин болҕомтотун тардар, сэргэхситэр. Итиэннэ бу дьаҥы бохсор туһуттан бары ирдэбиллэри тутуһаргытыгар ыҥырар. Дьиэҕэ хааччахтанан олорууну, уопсастыбаннай сирдэргэ бэйэ-бэйэттэн тэйиччи сылдьыыны хайаан да тутуһуҥ, маасканы кэтиҥ диэн этэллэр.

«Бары сомоҕолостохпутуна коронавирус дьаҥын кыайыахпыт». «Дьиэҕитигэр олоруҥ» диэн суруйаллар. «Биһигинниин бииргэ буолуҥ, саайтпытыгар киирэн көрүҥ» диэн А.Е.Кулаковскай аатынан норуоттар доҕордоһууларын дьиэтин кэлэктиибэ ыҥырар.

+1
0
+1
0
+1
0
+1
0
+1
0
+1
0
+1
0