Бэтэринээрдэр ньирэйи быһа ыллылар

Ааптар: 
Бөлөххө киир:

Туох эмит биричиинэнэн бэйэтэ кыайан төрөөбөт ынах оҕотун курдат ылар эппэрээссийэни биһиги бэтэринээрдэрбит анал хааччыллыылаах хирургическай клиникаҕа эрэ буолбакка, көннөрү хотоҥҥо эмиэ оҥороллор.

edersaas.ru

Ааспыт нэдиэлэҕэ Чурапчы бэтэринээрдэрэ маннык эппэрээссийэни Мугудай нэһилиэгэрн оҥордулар. Илья Дьячковскай бааһынай хаһаайыстыбатыгар Хакасияттан аҕалыллыбыт ынах кыайан төрөөбөккө турарын туһунан биллэриини тутаат, Мугудайдааҕы бэтэринээринэй учаастак исписэлиистэрэ суһаллык хотоҥҥо тиийбиттэрэ. Ынах барахсан талыыта киирбитэ суукка кэриҥэ буолбут этэ, улаханнык илистибит көрүҥнээҕэ, ол эрээри маатката төрүт аһылла илигэ. Ити иһин бэтэринээрдэр ньирэйи курдат ыларга быһаарбыттара, ол туһунан улуустааҕы управлениеҕа биллэрбиттэригэр Т.И.Левина, А.Ф.Попова уонна М.В.Попова көмөлөһө кэлбиттэрэ. Ынах иһин хайытан, оҕотун курдат ылар эппэрээссийэ түүн уон чаастан сарсыарда алтаҕа диэри, аҕыс чаас устата барбыта. Эппээрэссийэ этэҥҥэ ааспыта, билигин ынах да, ньирэй да туруктара үчүгэй.

— Идэлэригэр бэриниилээх, үрдүк таһымнаах бэтэринээрдэргэ махталым улахан, кинилэр ыҥырыыны тутаат кэлбэтэхтэрэ уонна маннык уустук эппэрээссийэҕэ санамматахтара буоллар, бачча сылы таһааран иһэр сүөһүбүттэн матыам этэ, — диир Илья Дьячковскай.

Раиса Сибирякова, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0