Бэс ыйын 22 күнэ — умнуллубат КҮН

ХАРА БЫЛЫТ
/Бэс ыйын 22 күнэ — умнуллубат КҮН/

Хара былыт халыйда
Ааспыт дьайы саната,
Хааны тохпут бу күнү
Хайа сүрэх умнуоҕай?

Хайдах курдук уолуйан
Уһуктубут үһүлэр,
Оҕо-ийэ ытаһан
Сэрии буолтун билинэн?

Фашист үөрэ бомбалаан
Уоран саба түспүтэ,
Ийэ сирбит биир түгэн
Дьигиһийэн ылбыта.

Аба-сата сатыылаан
Аймаабыта дьон кутун,
Быдан сылга ол сэрии
Былдьаабыта дьон дьолун.

Элбэх киһи дьылҕатын
Самнардаҕа ол сэрии,
Кэнчээритин ыччатын
Кэҕиннэрэн аастаҕа.

Хара санаа бу сиргэ
Хатыламмат буоллун дуу!
Хара былыт быйаҥҥа
Халыһыйар буоллун дуу!

Полина-Победа
Уус-Алдан
22.06.2020с.