Орто Халыма улууһун Берёзовкатыгар бүгүҥҥү туругунан 400 киһи олорор. 2002 сылтан сэлиэнньэни сааскы халаан уута ылан, сыл ахсын үгүс хоромньу тахсар.
edersaas.ru
Онон, СӨ бырабыыталыстыбата өссө 2017 сыллаахха сэлиэнньэни арыый үрдүк сиргэ көһөрөр туһунан быһаарыы ылыммыта.
Улуус баһылыга Евгений Слепцов олохтоох дьаһалта Березовка олохтоохторун уу ылбат сиригэр көһөрүүгэ күүстээх үлэ ыытылларын иһитиннэрдэ.
— Үрдүк сиргэ номнуо оскуола, иккилии кыбартыыралаах олорор дьиэлэр тутулуннулар. Бу сылга социальнай эбийиэктэри тутуу салҕанан барыаҕа, — диэн Евгений Слепцов эбэн эттэ.
Билиҥҥитэ үрдүк сиргэ 15 олорор дьиэ тутуллубут. ФАП номнуо бэлэм турар. Чугастааҕы кэмҥэ медоборудованиены аҕалыахтаахтар
Маны таһынан 2019 сыллаахха электростанция тутуллубута, быйыл квартальнай хочуолунай тутуллуохтаах.
Айсен Николаев олорор дьиэлэри көрдө-иһиттэ, олохтоохтору кытары көрсө кэпсэттэ.
edersaas.ru
+1
+1
+1
+1
+1
+1
+1