Бэрдьигэстээххэ ньиэп тоҕунна

Бөлөххө киир:

Горнай улууһугар олунньу 3 күнүгэр  ньиэп тохтон, 58 кв миэтэрэ иэннээх сири киртиппитин туһунан  айылҕаны кэтээн көрөр улуустааҕы иниспиэксийэ иһитиннэрдэ. Ол туһунан СИА суруйар. 

edersaas.ru

Ааспыт өрөбүлгэ Бэрдьигэстээххэ  «ОДьКХ» ГУП хочуолунайын үлэһитин эппиэтинэһэ суох дьалаҕай быһыытыттан ньиэп тоҕунна. Оттугу хочуолга хачайдыырга носуоһу кэмигэр араарбатаҕыттан сылтаан, икки куб ньиэп ньамаҕа чугастааҕы сири-уоту  толордо.

«Хочуолунай үлэһиттэрэ тохтубут ньиэби оботторон ылбыттар, киртийбит хаары умаппыттар уонна онно  ыраастыыр сорбент куппуттар. Буор туругун анаалыһын түмүгэ бу нэдиэлэҕэ кэлиэхтээх. Сир тоҥ буолан улаханнык тарҕамматах буолуохтаах», — диир   айылҕаны кэтээн көрөр иниспиэксийэ  салайааччыта  Родион Сергеев.

Хочуолунай билигин тиһигин быспакка үлэлии турар. «ОДьКХ» ГУП аатыгар сири киртитии иһин административнай дьыала көбүтүлүннэ.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0