Хабаровскайтан баһаары умуллара кэлбит Бе-200 сөмөлүөт үлэтин Саха сирин олохтоохторо сыаналаатылар. Аҕыйах күн иһигэр социальнай ситимнэргэ сөмөлүөт хаартыскалара, видеолара тарҕаннылар.
Соторутааҕыта амфибия-сөмөлүөт Сунтаарга үлэлии сылдьарын туһунан видео тарҕаммыта. Сөмөлүөт күөлтэн уу баһара уонна өрө күөрэйэн тахсарын олохтоохтор сөхтүлэр. Өрөспүүбүлүкэҕэ маннык икки сөмөлүөт үлэлии сылдьар. Ааспыт күннэргэ бу сөмөлүөттэр Сунтаарга уонна Уус Алдаҥҥа 23-тэ кырынан, 239 туонна ууну уокка куттулар.
Маны таһынан, Хабаровскайтан икки Ми-8 бөртөлүөт көмөҕө кэлбитэ. Биирэ Дьокуускайга, иккиһэ Сунтаарга үлэлиир. Сунтаарга 18 туонна ууну бөртөлүөттэн куттулар.
Баһаары умулларыыга 690 киһи үлэлиир, ол иһигэр 120 МЧС үлэһитэ.
Билиҥҥитэ Саха сиригэр 125 ойуур баһаара бара турар. Болҕомто киинигэр Алдан, Дьааҥы, Эдьигээн, Ленскэй уонна Өлүөхүмэ оройуоннара бааллар. Манна уопсайа 500 тыһ. гектар сир умайа турар.
+1
+1
+1
+1
+1
+1
+1