Таатта уонна Томпо улуустарын 32 №-дээх быыбардыыр уокуруктарын дьокутаата, Ил Түмэн СӨ Тутууга, ОДьКХ уонна энергетикаҕа сис кэмитиэтин бэрэссэдээтэлэ Яков Ефимов уокуругун кырачааннарыгар Саҥа дьыллааҕы бэлэҕин ыытан үөртэ.
edersaas.ru
Бу туһунан Томпо улууһун Байаҕантай нэһилиэгин баһылыга Лена Голикова иһитиннэрдэ:
— Ил Түмэн дьокутаата Яков Ефимов орто оскуола 1-кы кылааһын үөрэнээччилэригэр анаан Саҥа дьыллааҕы бэлэхтэрин олохтоох дьаһалтаҕа аадырыстаан ыыппыта. Бэҕэһээ оскуола бырааһынньыгар кырачааннарга Ил Түмэн дьокутаатын тус бэлэҕин туттардыбыт. Оҕолор олус үөрдүлэр.
Саҥа дьыллааҕы үгүс түбүк быыһыгар норуот дьокутаата Яков Ефимов ыраах Томпо Байаҕантайын кырачааннарыгар Саҥа дьылынан бэлэх ууммута — кини быыбардыыр уокуругар ураты болҕомтотун туоһута. Маннык дьокутааттаах нэһилиэк, биллэн турар, араас кыһалҕаларыгар, ситиһиилээх да түгэннэригэр дьокутааттарыгар бигэтик эрэнэллэрэ чахчы.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1