Баан үлэһиттэрэ дьон счетуттан 1 мөлүйүөн 400 тыһыынча кэриҥэ харчыны уорбуттар...
Бэрээдэк - Олох-дьаһах

Баан үлэһиттэрэ дьон счетуттан 1 мөлүйүөн 400 тыһыынча кэриҥэ харчыны уорбуттар

СӨ ИДьМ-тын Силиэстийэлиир управлениетын Силиэстийэлиир чааһа РФ Холуобунай кодексатын 159.6-с ыст. 4-с чааһынан, ол эбэтэр, компьютернай информация эйгэтигэр түөкүннээһин бэлиэтэ баарынан, холуобунай дьыала тэрийдэ. 

edersaas.ru

Дьыала Россия араас регионнарыгар дьон бааҥҥа арыйбыт счеттарыттан 1.400.000 солкуобай кэриҥэ суумманы түөкүннээн уорбут чахчыларынан тэрилиннэ.

Коммерческай бааннартан биирдэстэрин куттал суох буолуутугар сулууспата дойду араас регионнарыгар олорор 23 киһи счетуттан харчы устубуттарын булбут. Устуу Саха сиригэр баар филиалларыттан биирдэстэригэр оҥоһуллубут.

Суһал-ирдиир тэрээһиннэр кэмигэр уорбаланааччылары туппуттар – баан икки үлэһитэ (операционнай офис клиеннэри кытары үлэлиир менеджердэрэ) эбит.

Биирэ иккиһигэр аймахтарыгар оҥоһуллубут сим-каарталары биэрэр, ону иккиһэ анал бырагыраамманан хааччыйыыны туһанан, бу абонентскай нүөмэрдэри счеттарын өр кэмҥэ туттубакка сылдьар 23 клиент дааннайдарыгар сыһыарар эбит.

Ол кэнниттэн уорбут харчыларын мобильнай сыһыарыы нөҥүө бастакы менеджер хонтуруоллуур счетугар ыыта сылдьыбыт.

Уорбаланааччылар буруйдарын билинэр көрдөрүү биэрбиттэр. Силиэстийэ кэмигэр ханна да барбат баппыысканан көҥүлгэ сылдьаллар.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

2 × 1 =