Бааһынай ырыынага: сыана биллэ чэпчээбит

Ааптар: 
Бөлөххө киир:

Оҕуруот аһын хомуйар кэм буолан, «Сайсары» бааһынай ырыынагар сыана биллэ чэпчээбит.

edersaas.ru

Бааһынай ырыынагар сыл аайы «Павловскай», «Тулагы», Жатай» — бу курдук «местнай» диэн ааттаах оҕуруот аһа бэс ыйын саҥатыттан атыыга тахсар. Онон ырыынак оҕуруотун аһа барыта бу үс нэһилиэнньэлээх пуун аатынан биллэр «местнай» дэнэр аһынан толору.

Ити иһигэр Орто Азияттан, Приморьеттан кэлэр ас кытта эбиллэр быһыылаах.  Бэс ыйыгар Саха сиригэр саҥа үүнэр кэмигэр «Павловскай кабачоктара» дэнэр оҕуруот аһа номнуо баар буолбута. Билигин да ол кабачогунан ырыынак толору.

Хата тэйиччи чугас улуустар оҕуруотчуттара  олохтоох бородууксуйаны батараары «Саха оҕуруот аһа» диэн сурунан туспа «уйаламмыттар».

Онон, биллэн турар, бэйэ аһа буолара тута биллэр: хаачыстыбата да олох атын, сыаната да удамыр. Эбиэттэн киэһэ (15 чаас кэнниттэн)  бааһынай ырыынагар «Киэһээҥҥи сыана» диэн ханна да суруллубатах быраабыла олоххо киирэр. Онон сыана көннөрүүлээх сурук үгүс.

«Местнай» буолла да, Жатай буоларын Дьокуускай олохтоохторо бигэтик билэбит. Бу кэлиҥҥи сылларга кэлии атыыһыттар таптаан туттар тыллара. Ол «Жатайдара» ханна баарын, сорох сорохтор олох да билбэттэрэ буолуо. Соҕуруу дойду мааны астара клубника уонна дыня бэйэлээхтэр «Жатай»  буолан ырааппыттар!

Мин сылдьар кэммэр олохтоох отон атыыга суох. Хомунан барбыттарын да иһин, саатар «бааллар этэ» диэбэттэр. Быйыл баһаар буолан буруо мэһэйдээн, тыатааҕы да куттаан, дьон бэйэтэ сиирин эрэ булуммут быһылаах. Хайа да дьыллааҕар олохтоох отон атыыта кэмчи дииллэр. Онон бу көстөр кэлии отоннор «былааһы ылан» тураллар.

Урукку курдук санаатыҥ да, амсайбаккын. Биир устуукатыгар 20 солк. биэрэн баран амсайыаххын син.

Ити курдук, анаан «киэһээҥҥи сыананы» үөрэтээри, атын улуустар олохтоохторугар холобур оҥороору, «Сайсары» бааһынай ырыынагар  үлэ күнүгэр анаан баран кэллим.

Елена ПОТОЦКАЯ, «Саха сирэ хаһыат, edersaas.ru

Хаартыскаҕа ааптар түһэриитэ.

+1
0
+1
0
+1
0
+1
0
+1
0
+1
0
+1
0