Бу дьыл бэс ыйын 9 күнүгэр Чульман бөһүөлэгэр алдьархай таҕыста — 60 саастаах киһи ыалларын саанан ытан өлөртөөн баран, бэйэтигэр тиийиннэ.
Ол туһунан иһитиннэрии Нерюнгри полициятын дьуһуурунай чааһыгар киирбит.
Барыллаан быһаарыынан, 60 саастаах киһи даачаҕа ыалларын кытта кыыһырсан баран, 38 саастаах эр киһини, кини 39 саастаах хат ойоҕун уонна кинилэр 14 саастаах кыыстарын ытан өлөртөөбүт.
Быһылаан буолбут сиригэр полиция оперативниктара, кинологтар уонна Росгвардия ОМОН этэрээтин байыастара тиийбиттэр.
Бу сарсыарда суһал-силиэстийэлиир бөлөх үс киһини өлөрүүгэ уорбаланааччыны Угольнай бөһүөлэк даачаларыгар баар дьиэлэртэн биирдэстэригэр хаайбытыгар, уорбаланааччы полицейскайдар диэки туһаайан хаста да 12 калибрдаах саатынан ытыалаабыт. Дьолго, ким да эмсэҕэлээбэтэх.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.