Бөрөлөөххө тэйиччиттэн үөрэнэллэр
Олох-дьаһах

Бөрөлөөххө тэйиччиттэн үөрэнэллэр

Ыраах Аллайыаха улууһун Бөрөлөөх уопсай үөрэхтээһин сүрүн оскуолатыгар үөрэх саҥа нэдиэлэтэ саҕаланна.

Бөрөлөөх оскуолатын дириэктэрэ Аяна Хабарова иһитиннэрэринэн, бу оскуола үөрэнээччилэрэ интэриниэт социальнай тиһигин көмөтүнэн кейс технологиянан кэтэхтэн үөрэнэллэр. Онон тэйиччиттэн олорон (дистанционнай) үөрэх этэҥҥэ саҕаланна. Үөрэх сарсыарда 9 чаастан саҕаланар. Төрөппүттэр уонна үөрэнээччилэр бу тэйиччиттэн олорон үөрэнии туһунан бары билэн олороллор.

Санатан эттэххэ, бу уһук дэриэбинэ оскуолатыгар 16 оҕо үөрэнэр. Онон, оскуола салалтата дойду Бэрэсидьиэнэ Владимир Путин, өрөспүүбүлүкэбит Ил Дархана Айсен Николаев туруорбут соруктарын толорууга эппиэтинэстээхтик сыһыаннаһан, үөрэнээччилэр билиини ылыыларыгар сөптөөх үлэни ыыталлар.

Женни СТРЮКОВА, “Саха сирэ” хаһыат

Хаартысканы: дириэктэр А.Хабарова ыытта

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

20 − девять =