Бүлүүлэр Саха тыйаатырыгар Кэт Марсден туһунан испэктээк туруордулар...
Култуура

Бүлүүлэр Саха тыйаатырыгар Кэт Марсден туһунан испэктээк туруордулар

Бу күннэргэ Саха тыйаатырыгар “Таҥара ыыппыт аанньала” диэн бэрт интэриэһинэй, Кэт Марсден туһунан историческай испэктээги көрдөрдүлэр. Туруорааччы режиссер СӨ култууратын үтүөлээх үлэһитэ Маргарита Алексеевна Соколова буолар.

Испэктээккэ Бүлүү улууһун Сосновкатааҕы К.А.Корякина салайааччылаах диспансер уонна Бүлүү куоратын Н.Н.Иванова салайааччылаах “Алгыс” култуура киинэ үлэһиттэрэ кытыннылар. Бу уустук, ол эрээри дьоҥҥо туһалаах, наадалаах историческай чахчыны Маргарита Соколова көрөөччүгэ бэрт тиийимтиэтик арыйда. Ыарахан дьылҕалаах ыарыһахтары көрөр-истэр сымнаҕас илиилээх үлэһиттэр, оруолларын бэрт итэҕэтиилээхтик толордулар. Оччотооҕу 1891-1892 сылларга араҥ ыарыы өрө турбут кэмигэр Англия эдэркээн кыыһа Кэт Марсден кэлэн элбэх дьону өрүһүйбүтэ. Саха сиригэр Кэт Марсдены билбэт киһи, бука, суоҕа буолуо. Кини туһунан кэлин элбэхтэ сурулунна, ахтылынна. Ол да буоллар, испэктээкили илэ хараҕынан көрбүт дьоҥҥо ордук тиийимтиэ, өйдөнүмтүө буолар.

6

Манна даҕатан эттэххэ, тыйаатыр сыанатыгар Кэт Марсдены аан маҥнай сахалыы саҥардыбыт, кини уобараһын чаҕылхайдык арыйбыт режиссерунан Маргарита Соколова буолар. Саха сиригэр уларыта тутуу сылларыгар, норуот театрдара сабыллар кэмнэригэр, кини дьону тылыгар киллэрэн, түмэн биир сомоҕо оҥорбута. Итиэннэ испэктээги өрөспүүбүлүкэ таһыгар таһааран, Гран-при үрдүк ааты ылары ситиспитэ.

Елена ПРОТОПОПОВА,

Людмила ПОПОВА

Протопова Елена хаартыскаҕа түһэриитэ

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

3 × один =