Бүгүн Арассыыйа устудьуоннарын этэрээтин күнэ

Бөлөххө киир:

Арассыыйа устуодьуннарын тутар этээрэтин күнэ былырыыҥҥыттан  бэлиэтэнэр. Ону сэргэ, быйыл бүтүн “Арассыыйа устудьуоннарын этэрээтэ” хамсааһын тэриллибитэ 50 сыла. Хамсааһын үйэ аҥара кэмҥэ араас үлэҕэ: Байкал-Амур тимир суолун (БАМ), Сочи олимпиадатын эбийиэктэрин, Амурдааҕы “Восточнай” космодром тутуутугар устудьуоннар үлэлээбиттэрэ. 

Станислав ИОВЛЕВ, “Саха сирэ” хаһыат, www.edersaas.ru.

Бүгүн Дьокуускай куоракка  Манчаары Баһылай аатынан “Модун” спорт комплексыгар  Саха сирин этэрээтин 400-чэ байыаһа муһунна. Тутар, педагогическай этэрээттэр, баһаатайдар, ХИФУ устудьуоннарын байыастара бука бары куормаларын кэтэн, былаахтарын өрө тутан, парадтаан киирдилэр. Кинилэри Ил Дархан  уонна бырабыыталыстыба дьаһалтатын салайааччыта Федор Борисов уонна СӨ дьиэ кэргэн бэлиитикэтин уонна ыччат миниистирэ Афанасий Владимиров эҕэрдэлээтилэр.

“Сахатранснефтегаз” тэрилтэ, Ыччат министиэристибэтэ уонна Саха сирин устудьуоннарын этэрээтин хамсааһына бииргэ үлэлэһэргэ сөбүлэҥ түһэристилэр. “Сахатранснефтегаз” дириэктэрин маҥнайгы солбуйааччы Геннадий Вадюхин: “Тыа сиригэр гааһы киллэриигэ биһиги устудьуоннар этэрээттэрин байыастарын үлэлэтиэхпит. Ол үлэни түргэтэтиэҕэ. Бүгүн баттаспыт сөбүлээһибит инникитин көдьүүстээх буолуоҕа”. – диэн бэлиэтээтэ.

Тэрээһин Кэскил Баишев “Харысхал” ырыатыгар оһуохайынан түмүктэннэ.

Манна даҕатан эттэххэ, Дьокуускай куоракка быйыл күһүн Арассыыйа устудьуоннарын 58-с сүлүөтэ ыытыллара күүтүллэр. Ону көрсө, өрөспүүбүлүкэҕэ Ыччат сыла биллэриллибитинэн, устудьуоннар куораттарыгар өйдөбүнньүк бэлиэ туруораары сылдьаллар.

Станислав ИОВЛЕВ, “Саха сирэ” хаһыат, www.edersaas.ru.

Хаартыска: Андрей Сорокин СИА/

+1
0
+1
0
+1
0
+1
0
+1
0
+1
0
+1
0