«Аюкта»— 240 ыччаты муста

Бөлөххө киир:

 Эрэгийиэннэр икки ардыларынааҕы эбэҥки норуотун бэстибээлигэр 240 ыччат муһунна. Кыттааччылар сэттэлэриттэн 25-гэр диэри саастаахтар. Үҥкүүлээтилэр, ыллаатылар, хоһоон аахтылар, маны сэргэ тыйаатырдар бэйэлэрин туруорууларын, муода устуудьуйалара үлэлэрин көрдөрдүлэр.


Эдьигээн оройуона төрөөбүт тылы, култуураны уонна эбэҥки норуотун үгэһин ыччакка үөрэтэр, иҥэрэр, биллэрэр сыаллаах  бу бырайыагы көҕүлээбитэ.  2014 сылтан ылата ыытыллар бэстибээл өрөспүүбүлүкэттэн эрэгийиэннэр икки ардыларынааҕы буоларга тиийэ кэҥээтэ, сайынна. Быйылгы тэрээһиҥҥэ Иркутскай, Амур уобаластарыттан, Забайкальеттан, Бурятияттан, Хабаровскай кыраайтан кэллилэр диэн А.Е.Кулаковскай аатынан норуоттар доҕордоһууларын дьиэтин пресс-сулууспата иһитиннэрэр.

Тэрээһиҥҥэ мустубут бары ыалдьыттары Хоту сир аҕыйах ахсааннаах төрүт олохтоох норуоттар боппуруостарыгар уонна Арктика дьыалаларыгар Ил Түмэн сис кэмитиэтин бэрэссэдээтэлэ Елена Голомарева эҕэрдэлээтэ.

Биһиги бэйэбит төрүт култуурабытынан киэн туттабыт. Бэстибээлгэ кэнчээри ыччат кыттара биһигини өссө ордук үөрдэр. Аҥаардас национальнай көстүүмнэринэн көрөн, биһиги өбүгэлэрин култуураларын, үгэстэрин, сиэрдэрин-туомнарын харыстыырга ахсаабат кыһамньыларын уураллар эбит диэн олус долгуйдубут, үөрдүбүт, — диэтэ. Оттон Саха Өрөспүүбүлүкэтин судаарыстыбаннай сүбэһитэ Андрей Борисов хотугу аҕыйах ахсааннаах норуоттар култуураларын аан дойду үрдүнэн көрдөрө турар буолуохтара, оннук кэм кэлиэ диэн эрэнэрин биллэрдэ.

Куонкурус атырдьах ыйын 8 күнүгэр диэри А.Е.Кулаковскай аатынан норуоттар доҕордоһууларын дьиэтигэр ыытылынна. Улахан кэнсиэр уонна кыайыылаахтары эҕэрдэлээһин Орджоникидзе болуоссатыгар буолла.

Бэстибээл аан дойду төрүт олохтоох норуоттарын төрөөбүт тылларыгар, РФ Оҕо саас 10 сылыгар, СӨ Сомоҕолоһуу сылыгар уонна сахалартан бастакы Олимпийскай чөмпүйүөн Р.М.Дмитриев төрөөбүтэ 70 сылыгар ананна.

А.Е.Кулаковскай аатынан норуоттар доҕордоһууларын дьиэтин пресс-сулууспатын хаартыскаҕа түһэриилэрэ.

 

+1
0
+1
0
+1
0
+1
0
+1
0
+1
0
+1
0