Дьокуускайга Автодорожнай уулусса, 19 аадырыһыгар ситэ тутуллубатах элбэх кыбартыыралаах дьиэ бастакы уочаратын хамыыһыйа тиийэн көрдө. Техосмотр докумуонун толорорго СӨ Тутуутун министиэристибэтин иһинэн тэриллибит хамыыһыйаҕа өлүүлэһэн тутууга киирбит дьон интэриэһин көмүскүүр өрөспүүбүлүкэтээҕи пуонда үлэһиттэрэ, «Автодорожнай 19» ЖСК бэрэссэдээтэлэ, «Фаворит» ХЭТ бэдэрээччит бэрэстэбиитэлэ киирдилэр.
Тутуу хампаанньата «Монолит-Строй» ХЭТ моҥкуруут барарын саҕана эбийиэк тутуллан бүтэрэ олох кыра хаалбытын бэлиэтииллэр. Өлүүлэһэн тутууга киирбит дьон «Автодорожнай 19” ЖСК тэрийбиттэрэ. СӨ бырабыыталыстыбата тутууну бүтэрэргэ олохтоох хааһынаттан ЖСК субсидия биэрбитэ.
Күн бүгүн дьиэ 80% тутулунна, уота холбоно, чугастааҕы сирэ дьон олороругар табыгастаах гына оҥоһулла, сырдатылла илик. Трансформаторнай подстанция тутуутугар эбии үп көрүллүөн наада. Эбийиэги уотунан хааччыйарга «Якутскэнерго» хампаанньаны кытта дуогабар түһэрсиллибит. Ол туһунан өлүүлэһэн тутууга киирбит дьон интэриэһин көмүскүүр өрөспүүбүлүкэтээҕи пуонда пресс-сулууспата иһитиннэрэр.
«Саха сирэ», edersaas.ru
+1
+1
+1
+1
+1
+1
+1