Ат сүүрдүүтүн онлайн көрүөхпүт
· - Дьулуур - Кыайыы 75 сыла - Олох-дьаһах

Ат сүүрдүүтүн онлайн көрүөхпүт

Ыам ыйын 30 күнүгэр Дьокуускайга Арктикатааҕы судаарыстыбаннай агротехнологическай университет (ДьСХА) ипподромугар үгэскэ кубулуйбут өрөспүүбүлүкэтээҕи ат сүүрдүүтэ ыытыллыаҕа диэн «Спорт Якутии» саайт суруйар.

Ат сүүрдүүтэ Улуу Кыайыы 75 сылыгар анаан, Саха сирин Сэбиэскэй Сойуус Дьоруойдарын чиэһигэр ыытыллар.

Күрэхтэһии ыам ыйын 6 күнүгэр ыытыллыахтааҕа көһөн, ыам ыйын 30 күнүгэр ыытыллар буолла.

Бу сылга ыытыллар бастакы ат сүүрдүүтүн «Саха» НКИХ ханаалыгар быһа көрүөхпүт. Тэрээһин санитарнай нуормалары тутуһан ыытыллыаҕа, онон көрөөччүлэрэ суох буолуоҕа. Анал бэйджигэ суох кэлбит дьону 5000 солкуобайга ыстарааптыахтара.

Аттар аҕыс дистанцияҕа сүүрүөхтэрэ: 800, 1200, 1400, 1600, 1800, 2000, 2400 уонна 3200 м.

Бириис пуондата — 590 тыһыынча солкуобай.

edersaas.ru

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

два + четыре =