Горнай улууһун Атамай нэһилиэгэр ураты тупсаҕай тэлгэһэлээх ыал үгүс.
edersaas.ru
Бу туһунан Атамай нэһилиэгин баһылыгын солбуйааччы Алла Павлова маннык кэпсиир:
— Татьяна Семеновна уонна Евгений Саввич Адамовтар дьиэлэрин тэлгэһэтэ зоопаркаҕа тэҥнээх.
Бу ыал тиэргэнигэр тыа араас кыыла уонна көтөрө «олохсуйбуттара» ыраатта.
Евгений Саввич сатабыллаах уус быһыытынан, боробулуоханы өрөн, кыыл-сүөл арааһын оҥорон таһаарар, тиэргэнин киэргэтэр.
Кырдьык, да киһи сөҕөр көстүүтэ! «Төрөөбүт дойду туохтан саҕаланарый?» диэн ырыаҕа ылланар ыйытыыга киһи: «Дьиэ тиэргэниттэн!» диэн хоруйдуон сөп курдук.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1