Арыгыны атыылыырын үҥсүбүтүн иһин сакаастаан өлөртөрбүт

Ааптар: 
Бөлөххө киир:

Киинэҕэ, сериалга эрэ буолбакка, дьиҥ олоххо, буолаары буолан, Сахабыт сиригэр киһини сакаастаан өлөрүү түбэлтэтэ тахсыбыт. Дьыала номнуо суукка көрүллэн, бириигэбэр тахсыбыт. 

edersaas.ru

Суут быһаарбытынан, 2017 сыллаахха биир киһи быраабы араҥаччылыыр уорганнарга А.Н. диэн гражданин контрафактнай арыгыны сокуоннайа суохтук атыылыырын туһунан иһитиннэрии киллэрбит. Ону бу А.Н. билэн, өс санааны иитиэхтээн, иэстэһэн тэйэргэ быһаарыммыт.

Ол хааннаах былаанын олоххо киллэрэ диэн, Нерюнгри куоракка баран, А.А. диэн доҕоругар ити киһини өлөрөргө этии киллэрбит, хайдах-туох гыныахтаахтарын барытын ыйан-кэрдэн биэрбит, өлөрүүнү тэрийээччи буолбут.

2017 сыл муус устар ыйыттан бэлэмнэнэн, сэтинньитигэр Дьокуускай куоракка айаннаабыттар. Ити иннинэ А.А. глушителлэх бэстилиэт уонна ботуруоннары булуммут.

Киин куоракка кэлэн баран, эмсэҕэлээччи хаһан кэлэрин-барарын кистээн кэтээбиттэр. Онтон үлэлээн бүтэрин кэтэһэн олорон, чааһынай дьиэтигэр кэлэн, гарааһыгар киирбитигэр, А.А. кэнниттэн батыһан тиийэн, 8-тан итэҕэһэ суохтук бэстилиэтинэн ытан өлөрбүт.

Ити кэмҥэ өлөрүүнү тэрийээччи А.Н. массыынаҕа күүтэн олорбут, өлөрүөхсүт доҕоро кэлээтин, Нерюнгри диэки түһүнэн кэбиспиттэр. Бэстилиэти чаастарынан ыһан, аара айаннаан иһэн быраҕаттаабыттар.

Бирисээгэлээх сэтээтэллэр вердиктэригэр олоҕуран, СӨ Үрдүкү суута бириигэбэр таһаарбыт: А.Н. 13 сылга, А.А. 17 сылга кытаанах эрэсиимнээх холуонньаҕа көҥүллэрин быһарга диэн. А.А. өссө ыстараап төлүөхтээх.

Бириигэбэр сокуоннай күүһүгэр киирэ илик.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0