Арктика оройуоннарын сайыннарарга 200 миллиард киириэн сөп

Бөлөххө киир:

РФ Бырабыыталыстыбата 2020 сыл кулун тутар 18 күнүгэр дойду Арктическай сиригэр инвестициялыыр бырайыактары талан ылар быраабыланы бигэргэппитэ.

Ол чэрчитинэн инфраструктураны тэрийэргэ федеральнай субсидия 300 мөлүйүөн солкуобай сыаналаах, ол иһигэр 15% кэтэх инвестиция бырайыактарыгар бэриллэр.

Саха сирин Арктическай оройуоннарын сайыннарарга 200 миллиард солкуобай киириэн сөп, ол иһигэр 30% кэтэх дьон укпут үбэ. Томтордооҕу сэдэх таастары, Тирэхтээх үрэххэ хорҕолдьуну, «Полиметалл», «Прогноз»  АУо хостуур үрүҥ көмүһүн, Күчүс көмүһүн «Анаабыр Алмаастарын» Молодинскай уонна Эбэлээх күндү таастарын туһаҕа таһаарарга 2000 кэриҥэ үлэ миэстэтэ тэриллиэхтээх.

Дьон олороругар, үлэлииригэр сөптөөх усулуобуйа, аныгы инфраструктура тэрилиннэҕинэ, Арктикаҕа бырамыысыланнас, экэниэмикэ күүскэ сайдан барыаҕа диэн СӨ Экэниэмикэтин министиэристибэтигэр иһитиннэрдилэр.

Марианна Тыртыкова, «Саха сирэ» хаһыат, edersaas.ru

Хаартыска: Aif.ru

+1
0
+1
0
+1
0
+1
0
+1
0
+1
0
+1
0