Арассыыйа олохтооҕун аҥаара оҥоһуу харыйаны туруорар...
Олох-дьаһах - Саха ыала

Арассыыйа олохтооҕун аҥаара оҥоһуу харыйаны туруорар

Арассыыйа олохтооҕун аҥаарын кэриэтэ Саҥа дьылга оҥоһуу (искусственнай) харыйаны туруорар эбит. Ити туһунан анал сакааһынан ыытыллыбыт чинчийии көрдөрбүт. Чинчийиигэ 18-тан үөһэ саастаах 1200 киһи кыттыбыт.


Ол курдук, дойдубут олохтооҕун 48 %-на оҥоһуу, 27 %-на дьиҥнээх, 25 %-на түгэн көһүннэҕинэ эрэ дьиҥнээх харыйаны туруораллар эбит.

Чинчийии көрдөрбүтүнэн, Арассыыйа нэһилиэнньэтин улахан аҥаара Саҥа дьыл сүрүн бэлиэтинэн харыйаны ааттыыр. 82 % харыйаны хайаан даҕаны туруорабыт диэн эппит.

Аны ыйытыыга кыттыбыт дьонтон 59 %-на харыйаларын олунньуга, 11 % кулун тутарга диэри хомуйбаттар эбит. Маныаха харыйа оонньуурун олохтоох дьон 48 % атыылаһар (38 % икки-үс сыл буола-буола саҥардар), 5 % эрэ бэйэтэ илиитинэн оҥорор үһү. Ыйытык чахчытыгар олоҕурдахха, нэһилиэнньэ 59 %-гар эһээлэриттэн, эбээлэриттэн бэриллибит, ууруна сылдьар оонньуурдаахтар эбит.

Оттон кыттыбыт дьонтон 90 % аймахтарбар, 40 % бииргэ үлэлиир дьоммор бэлэх биэрэбин диэн хоруйдаабыт.

“Саха сирэ” хаһыат, edersaas.ru

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

20 − 1 =