“Арассыыйа Чуумпу акыйаанын литературата” бэстибээл уонна В.К.Арсеньев аатынан бириэмийэ ...
Олох-дьаһах

 “Арассыыйа Чуумпу акыйаанын литературата” бэстибээл уонна В.К.Арсеньев аатынан бириэмийэ Уһук Илини ааттаталлар

Владивостокка “Версаль” отель саалатыгар олунньу 7 күнүгэр “Серебряный Лучник” – Уһук Илин уопсастыбаннай сибээстэри сайыннарыы эйгэтигэр тохсус эрэгийиэннээҕи бириэмийэ куонкуруһун  финала буолла.

edersaas.ru

“Арассыыйа Чуумпу акыйаанын литературата” бэстибээл гран-притин уонна Уһук Илини куонкурус федеральнай түһүмэҕэр көрдөрөр быраабы ылла.

Уһук Илиҥҥи литература бэстибээлэ сири-уоту сайыннарыыга бастыҥ бырайыак быһыытынан билинилиннэ. Дьүүллүүр сүбэ  “Уус-уран литература уонна кинематограф Уһук Илин уобараһын арыйыыга мэлдьи төһүү буолаллар. Киһи олоҕун култуурунай таһымын үөскэтии эрэгийиэн сайдыытын, кини бырамыысыланнаска кыаҕын уонна социальнай инфраструктуратын кытта сибээстээх. “Арассыыйа Чуумпу акыйаанын литературата” бэстибээл Владивостокка үс сыллааҕыта ыытыллыбыта уонна уопсастыбаннаһы айар үлэҕэ көҕүлүүр. Суруйааччылар күүстээх десаннара, Арассыыйа бөдөҥ кинигэ кыһаларын бэрэстэбиитэллэрэ, литература кириитиктэрэ уонна Уһук Илин суруйааччылара – барыта 3000 киһи сыл аайы кыттар.

Бэстибээл сонуннары киэҥник тарҕатар сириэстибэлэргэ, ол иһигэр федеральнай таһымҥа киэҥник сырдатылынна уонна Азия-Чуумпу акыйаан эрэгийиэнигэр биллэр-көстөр буолла. Быйыл Уһук Илин литературатыгар болҕомтону ууруохпут. Санаттахха, В.К.Арсеньев аатынан “Уһук Илин” Бүтүн Арассыыйатааҕы бириэмийэ идиэйэтэ дойду култуурунай олоҕор бэлиэ түгэнинэн буолла уонна бүгүн иккис сезоҥҥа сайаапкалары хомуйар.

Билигин бу икки бырайыак хардарыта бэйэ-бэйэлэрин ситэрсэн биэрэллэр. “Арассыыйа Чуумпу акыйаанын литературата” бырайыакпыт “Серебряный Лучник” бириэмийэ Уһук Илиҥҥи түһүмэҕэр кыайыыта бу тэлбит суолбутуттан түспэппитигэр көҕүлүүр”, — диир бэстибээл административнай дириэктэрэ уонна кыттыгас учредителэ Виктор Суханов.

“Төрөөбүт эйгэни киэҥник таһаарыы, Уһук Илини улуу нуучча литературатын эйгэтигэр төнүннэрии Уһук Илиҥҥэ “ЛиТРа”-ны тэрийиигэ төһүү буолла. Бу “Серебряный Лучик” курдук биллэр куонкуруска гран-прины ылыыны өссө төгүл бигэргэттэ”. Бэстибээл култуурунай-историческай бэлиэ түгэнинэн буолла уонна итинтэн биирдэстэрэ – В.К.Арсеньев аатынан литературнай бириэмийэ.

Бүгүн Уһук Илин туһунан бу эрэгийиэн олохтоохторо эрэ буолбакка, сибиирдэр, москвичтар, питердэр, Бүтүн Арассыыйа эрэ суруйбат. Бу уонна Михаил Тарковскай, уонна Александр Кузнецов-Тулянин, уонна Виктор Ремизов, уонна Андрей Геласимов, уонна Леонид Юзефович, уонна Эдуард Веркин. Туох туһунан суруйалларый? Романнары уонна сэһэннэри, кэпсээннэри уонна эсселэри, оҕо остуоруйаларын уонна кэпсээннэрин, биографическай уонна кыраайы үөрэтэр литератураны суруйаллар. Ол аата, бу кинилэри долгутар уонна үөрдэр. “Серебряный Лучник” гран-притин “ЛиТРа-ҕа” тутарбыттара литературнай бырайыактарга интэриэс улааппытын көрдөрөр”, — диэн толорооччу дириэктэр, бэстибээл кыттыгас олохтооччута, В.К.Арсеньев аатынан бириэмийэ куратора  Вячеслав Коновалов этэр.

“Арассыыйа Чуумпу акыйаанын литературата” бэстибээл PrimaMedia  медиахолдинг (Владивосток) уонна «КультБригада» (Москва) интеллектуальнай кулууп көҕүлээһиннэринэн, Уһук Илин социальнай-экэнэмиичэскэй сайдыытын иһитиннэрэр пуондатын өйөбүлүнэн тэриллибитэ. Сүрүн партнер – Балык хаһаайыстыбатын тэрилтэлэрин, предпринимателлэр уонна экспортердар Бүтүн Арассыыйатааҕы ассоциациялара (ВАРПЭ).

В.К.Арсеньев аатынан “Уһук Илин” литературнай бириэмийэ “ЛиТРа-ны” кытта ыкса ситимнээх: бириэмийэ идиэйэтэ литература бэстибээлин кэмигэр үөскээбитэ. Литературнай бириэмийэ Арассыыйа Федерациятын Уһук Илин федеральнай уокуругар боломуочуйалаах бэрэстэбиитэлэ Юрий Трутнев көҕүлээһининэн олохтоммута. Бу бириэмийэ Уһук Илин тиэмэтигэр Арассыыйа литератордарын бастыҥ айымньыларыгар иҥэриллэр. Ааптар ханна олороро оруола суох, кылаабынайа нууччалыы суруйбут буолуохтаах.

2019 сылга “Уһук Илин” бириэмийэни ылыыга 193 айымньы Арассыыйа 17 эрэгийиэниттэн уонна 1 тас дойдуттан киирбитэ. Итинтэн 79 көрүүгэ ылбыттара. 30-та лог-илиискэ киирбитэ. Итилэртэн 9 Саха сирин суруйааччыта киирэр кыахтаммыта.

ХИФУ филологическай факультетын суруналыыстыка кафедратын сэбиэдиссэйэ Олег Сидоров “Максим Аммосов” кинигэтэ – “Уһун проза” номинацияҕа. Александра Агафонова “Сказочная Якутия” кинигэтинэн – “Оҕо прозата” номинацияҕа.  Саха суруйааччыта Анатолий Слепцов кыайыылаахтартан биирдэстэринэн буолбута. “Быков мыс” кэпсээнэ “Кылгас проза” номинацияҕа бастыҥынан ааттаммыта.

“Уһук Илин социальнай-экэнэмиичэскэй сайдыытын өйүүр иһитиннэрэр пуонда” тэрилтэ иһитиннэриитинэн

Бэлэмнээтэ Женни Стрюкова.

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

9 + шесть =