Арассыыйаҕа коронавирустаабыт дьон ахсаана 627 тыһыынчаттан тахсыбыт (ааспыт биир хонук иһигэр 6852 киһи ыалдьыбыт).
edersaas.ru
Дьаҥ туруоҕуттан 393 тыһыынча киһи үтүөрбүт. Оттон бэҕэһээ COVID-19-тан 188 киһи тыына быстыбыт.
Москва куорат баһылыга Сергей Собянин хааччахтаныы эрэсиимин сымнатыыттан, дьаҥ көбүүтэ үрдээбэтэҕин туһунан иһитиннэрдэ.
“Сымнатыыны оҥорор эрдэ, дьаҥ хаттаан күөдьүйүө. Куттал өссө да ааһа илик диэн элбэх киһи сөпсөөбөтүн биллэрбитэ. Ол да буоллар, хааччахтаныы эрэсиимин сымнатыылартан, дьаҥ төттөрү көбөн тахсыбата. Кэтээн көрүүлэринэн, билиҥҥитэ, ити сымнатыылары киллэрии сөптөөх курдук», — диэн «Россия 1» тэлэбиисэринэн биэрии ханаалыгар интервьюга Собянин эттэ.
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1