Арассыыйаҕа – аҕыйыыр, өрөспүүбүлүкэҕэ – эбиллэр...
Олох-дьаһах - Саха ыала

Арассыыйаҕа – аҕыйыыр, өрөспүүбүлүкэҕэ – эбиллэр

Суукка устата Арассыыйа 84 эрэгийиэнигэр 8894 киһи коронавируһунан ыалдьыбыт. Ити ааспыт нэдиэлэҕэ холоотоххо балай даҕаны аҕыйах буолар. Ол оннугар, Саха сиригэр баара-суоҕа биир сууккаҕа 80 киһи ыарыйда.

edersaas.ru

Коронавирустаабыт киһи 42,2 бырыһыаныгар ыарыы сибикитэ биллибэтэх. Ордук элбэх киһи Москваҕа – 2988, Москва уобалаһыгар – 824, Санкт-Петербурга – 389, Нижегородскай уобаласка – 202, Красноярскай кыраайга – 150 ыалдьыбыт. Оттон биир суукка иһигэр Арассыыйаҕа 150 киһи суох буолбут. Уопсайынан ылан көрдөххө, Арассыыйаҕа ыалдьыбыт киһи ахсаана сыыйа аҕыйаан иһэр. Оттон Саха сиригэр нэдиэлэ устата ортотунан 40-ча киһи ыалдьар этэ, бүгүн эмискэ ити сыыппара 80-ҥа тэҥнэстэ.

Тоҕо диэн сиэрдээх ыйытыы үөскүүр. Ол эрээри, хоруйа биир – дьиэҕэ олорууну тутуспаппыт. Биллэрин курдук, Дьокуускай куоракка дьиэҕэ олорууну тутуспат киһи үгүс. Сорохтор халлаан сылыйан таһырдьа талаһаллар, атыттар букатын даҕаны итэҕэйбэттэр, бэл, мааската суох сылдьаллар.

Онтон улуустарга үксүн кэлии дьон сыһыараллар диэн быһаараллар. Ол иһин кэлиини-барыыны тохтотуҥ, дьиэҕитигэр олоруҥ диэн сүбэлииллэр.

 edersaas.ru

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

девять + 15 =