Олунньу 3 күнүгэр СӨ бырабыыталыстыбатын пленарнай мунньаҕар Ил Дархан Айсен Николаев медицинскэй маасканан уонна наадалаах эминэн-томунан хааччыйарга Кытай Хэйлунцзян провинцията Саха сириттэн көмө көрдөөбүтүн туһунан иһитиннэрдэ.
edersaas.ru
Итиннэ олоҕуран, Ил Дархан Хэйлунцзян провинциятыгар гуманитарнай көмө оҥорорго сорудахтаата. Санатан эттэххэ, 2004 сыллаахха СӨ бырабыыталыстыбата уонна Хэйлунцзян провинцията атыы-эргиэн, наука-тиэхиньикэ уонна култуура боппуруостарыгар бииргэ үлэлэһэргэ сөбүлэһии түһэрсибиттэрэ. Ону таһынан, эрэгийиэннэр побратим доҕордуу сыһыаннаахтар.
Хэйлунцзян – Кытай хотугулуу-илин өттүгэр баар. Административнай киин – Харбин. Манна 38 мөлүйүөнтэн тахса киһи олорор. Хэйлунцзян провинциятын салалтата олунньу 3 күнүгэр коронавируснай инфекциянан саҥа ыалдьыбыт 23 киһи баарын чуолкайдаата уонна 73 киһи ыалдьыбыта сабаҕаланар. Хэйлунцзяҥҥэ уопсайа 118 киһи коронавируска хаптарбыта бэлиэтэммит.
«Саха сирэ», edersaas.ru
+1
+1
+1
+1
+1
+1
+1