Үлэ саҥа миниистирэ – 39 саастаах Антон Котяков

Бөлөххө киир:

Арассыыйа үлэҕэ, социальнай сайдыыга миниистирэ уларыйда. Саҥа миниистиринэн 39 саастаах Антон Котяков ананна. Кини бу иннинэ үп миниистирин солбуйааччынан 2017 сылтан үлэлээбитэ.

2001-2005 сс. Самара уобалаһын дьаһалтатын үп департаменыгар исписэлииһинэн үлэтин саҕалаабыт. Салгыы уобаластааҕы үп министиэристибэтин отделын, онтон департаменын салайбыт.

2012-2014 сс. федеральнай казначействоҕа, онтон Москва уобалаһыгар үп миниистиринэн 2017 с. бырабыыталыстыбаҕа кэлиэр диэри үлэлээбит. Кинини үлэ, социальнай сайдыы миниистиринэн саҥа премьер-миниистир Михаил Мишустин (Федеральнай нолуок сулууспатын тойоно этэ) анаабыт.

Оттон бу иннинэ үлэ миниистиринэн үлэлээбит Максим Топилин Биэнсийэ пуондатын бырабылыанньатын бэрэссэдээтэлинэн ананна.

Ангелина Васильева, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0