Бэҕэһээ, Уус Алдан улууһун оройуоннааҕы балыыһатыгар «инсульт» диагнозтаах киһи киирбит. Невролог быраас бэрэбиэркэлээбитинэн, бу киһи температурата 38 кыраадыска тиийбит.
Инсуллаабыт киһи этин суоһа эмиэ үрдүөн сөп. Ол гынан баран, бу киһи анаалыһын түмүгэ биллиэр диэри, сэрэххэ, «провизорнай» салааҕа киллэрбиттэр. Анаалыстарын бу сарсыарда, ыам ыйын 19 күнүгэр, Дьокуускайга ыыппыттар. Ыалдьыбыт киһи икки хонуктааҕыта Нам улууһуттан кэлбит. Бэлиэтээн этэр буоллахха, Нам улууһугар коронавирус дьаҥар хаптарбыт дьон номнуо бааллар.
Оройуоннааҕы балыыһа дьаһалтата анаалыс түмүгэ тахса илигинэ, оруна суох сураҕы тарҕатары утарар. Сымыйа сураҕы тарҕатыы иһин, сокуон иннигэр эппиэтинэһи сүгүөххэ сөп диэн сэрэтэр.
Суһал ыстаап сонунуттан Ульяна Захарова.
+1
+1
+1
+1
+1
+1
+1