Өлүөнэ сүнньүнээҕи ууга управление пресс-сулууспата иһитиннэрбитинэн, ыам ыйын 2 күнүнээҕи туругунан Өлүөнэ өрүс баһыгар көмүөл Иркутскай уобалаһын Визирнэй бөһүөлэгин аннынан устар. Саха сирин кырааныссатыгар диэри өссө 126 килэмиэтир хаалла.
Анивера Акимова, «Саха сирэ» хаһыат, edersaas.ru
Витим – Хаҥалас (Кангалассы) хайысхатын сорох учаастактарынан уу халыйан тахсан, сууккаҕа 5 – 25 см эбиллэр. Дьокуускайдааҕы күнү-дьылы билгэлиир киин сабаҕалааһынынан, Өлүөнэ мууһа Витим – Пеледуй хайысхатынан ыам ыйын 5 – 8, оттон Ленскэй – Өлүөхүмэ аннынан 10 – 13 күннэригэр эстэр чинчилээх.
Ыам ыйын 1 күнүгэр, урукку сыллардааҕар тоҕус хонук эрдэлээн, Нүүйэ өрүс мууһа хамсаата. Амма мууһа сорох сиринэн хамсаан эрэр. Ыам ыйын 3 – 4 күннэригэр Өлүөхүмэ өрүс мууһа Дьиикимдэ бөһүөлэгин аннынан хамсыырын сабаҕалыыллар.
Анивера Акимова, «Саха сирэ» хаһыат, edersaas.ru