Ыам ыйын 13 күнүнээҕи туругунан, Амма өрүскэ уу таһыма түһүүтэ салҕанар.
edersaas.ru
Россия ЫБМ министиэристибэтин Хабаровскай кыраайга салайааччытын солбуйааччы Виталий Евгеньевич Дарчия иһитиннэрэринэн, күн бүгүн ууга сытар дьиэ, тэлгэһэ суох, бары ууттан босхолоннулар. Муус Мээндигэ сэлиэнньэтин алларатынан устар. Куттал суоһуур сибикитэ суоҕунан, 28 киһилээх Хабаровскай быыһыыр биригээдэтэ Уус Майа улууһугар көһөрүллэрин туһунан быһаарыныы ылылынна. Манна Алдан өрүс хаатыттан тахсан Күп уонна Элдьикээн бөһүөлэктэригэр 230 дьиэ ууга былдьанна. Нэһилиэнньэҕэ көмөҕө Дьокуускайтан МИ-26 бөртөлүөтүнэн 50 быыһааччы кинилэргэ эбии күүс буола көттүлэр.
Раиса Сибирякова, Дьокуускай — Амма, edersaas.ru
+1
+1
+1
+1
+1
+1
+1