Амма оройуонун уон бастыҥ спортсменын ааттаатылар

Бөлөххө киир:

Аммаҕа 2019 сыл түмүгүнэн бастыҥ спортсменнары ааттаан, Чөмпүйүөннэр бааллара ыытылынна. Сайын бу улууска VII Саха сирин норуоттарын спортивнай оонньуулара үрдүк таһымнаахтык ыытыллыбыта.

Уон бастыҥ иһигэр бу оонньуулар чөмпүйүөннэрэ эмиэ киирдилэр. Ол курдук, чэпчэки атлетикаҕа бастыҥ көрдөрүүлээх Михаил Жарин, Татьяна Олешко, Леонид Филиппов, волейболга улуус хамаандатын хапытаана Клавдия Павлова, көҥүл тустууга Европа чөмпүйэнээтин призера Владимир Егоров ааттаннылар. Кинилэри сэргэ теннисчит Айыына Петрова, спортингист Александр Пестерев, хайыһардьыт Никита Шестаков, мадьыны Владимир Никитин уонна дуобатчыт Андрей Федотов бастыҥ спортсменнар кэккэлэригэр киирдилэр.

Оскуола оҕолоругар волейболистар Дьулусхан Захаров, Мичил Сивцев, хайыһардьыт Милена Белолюбская, сүүрүүк Аман Килбясов, теннисчит Анита Ноговицына, мадьынылар Татьяна Баишева, Эрхан Кузьмин, тустууктар Андрей Мидловец, Валентин Бурнашев уонна хайыһардьыт Николай Максимов улуус бастыҥ спортсменнарынан ааттаннылар.

Уон бастыҥ спортсмены адаптивнай көрүҥнэргэ таһаардылар. Ол курдук, чэпчэки атлетикаҕа Василий Пестерев, Екатерина Сивцева, Татьяна Бурым, волейболистар Михаил Неустроев, Константин Неустроев, Роман Сивцев, Анна Ларионова, Светлана Софронова, пауэрлифтер Виктор Евсеев, дьаадыра быраҕааччы, волейболистка Виктория Петрова  чиэстээхтик ааттаннылар.

Үөрүүлээх тэрээһиҥҥэ өрөспүүбүлүкэ Физкултуураҕа уонна маассабай спорка управлениетын салайааччытын солбуйааччы Семен Говоров, Амма улууһун баһылыга Николай Архипов кытыннылар. Бастыҥ спортсменнары кытта спорка ситиһиилээх нэһилиэктэри, тириэньэрдэри, тэрилтэ, федерация салайааччыларын, спорду тарҕатааччылары бэлиэтээтилэр.

sportyakutia.ru саайтан.

Хаартыска sportyakutia.ru саайтан.

+1
0
+1
0
+1
0
+1
0
+1
0
+1
0
+1
0