Амма дьаһалтатын исписэлиистэрэ үлэлэригэр бэлисипиэтинэн сылдьаллар

Амма улууһун дьаһалтатын үлэһиттэрэ бу күннэргэ үлэлэригэр бэлисипиэтинэн сылдьар буоллулар.

edersaas.ru

Бу туһунан улуус баһылыга Николай Архипов бэйэтин «инстаграмын» сирэйигэр маннык кэпсиир:

— «Үлэбитигэр — бэлисипиэтинэн» Бүтүн сойуустааҕы аахсыйаҕа Амма улууһун олохтоохторо кыттыһан эрэбит.  Аахсыйаны холобур буолан, бастакынан дьаһалта исписэлиистэрэ саҕалаатыбыт.

Ол курдук, үлэбитигэр дьиэбититтэн бэлисипиэтинэн сылдьабыт.

Экэниэмийэ, доруобуйа, экология — аахсыйаҕа бу барыта киирэр.

Муниципалитет баһылыга улууһун олохтоохторун мантан сайын бэлисипиэтинэн сылдьарга ыҥырар.

Елена ПОТОЦКАЯ, «Саха сирэ» хаһыат, edersaas.ru

Хаартыска — видеоттан скриншот.