Алта саастаах оҕону күүһүлээһиҥҥэ уорбаланааччыны туттулар...
Бэрээдэк - Олох-дьаһах

Алта саастаах оҕону күүһүлээһиҥҥэ уорбаланааччыны туттулар

Сунтаар улууһугар 6 саастаах кыыс оҕону күүһүлээһиҥҥэ уорбаланар 34 саастаах киһини туттулар. Бу чахчынан силиэстийэ уорганнара РФ Холуобунай кодексатын 131-с ыст. 4-с чааһын «б» пуунунан холуобунай дьыала тэрийдилэр.

edersaas.ru

Силиэстийэ сабаҕалыырынан, бу дьыл ахсынньы 18 күнүгэр, ол эбэтэр, бэҕэһээ, Сунтаар улууһун биир сэлиэнньэтигэр 34 саастаах киһи бу оҕо аҕатын кытта арыгы испиттэр.

Ол арыгылыы олорон кыыһырсыбыттар, онуоха ыалдьыт дьиэлээх киһини кырбаабыт. Кыракый кыыс барахсан аҕатын көмүскэһэ сатаабыт.

Онуоха бу баҕайы дьиэҕэ атын дьон суоҕунан уонна хаһаайын өйүн сүтэрбитинэн туһанан, оҕону күүһүлээн баран, атахха биллэрбит.

Үлэтиттэн кэлбит ыал ийэтэ туох буолбутун көрөөт, быраабы араҥаччылыыр уорганнарга тыллаабыт. Оперативниктар уорбаланааччыны дьиэтиттэн туппуттар.

Доппуруос кэмигэр уорбаланааччы оҕону күүһүлээбитин мэлдьэспит, сексуальнай хабааннаах дьайыылары эрэ оҥорбутум диэбит.

Эмсэҕэлээбит оҕоҕо медиктэр көмөлөһөллөр.

Силиэстийэ быһаарбытынан, бу ыал аас-туор олохтоох, иһэр-аһыыр, полицияҕа учуокка турар дьон эбит.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0
1

Сайт матырыйаалларын ааптар көҥүлэ суох ылар бобуллар.
  1. 1 санаа

    Тамара

    Маннык дьиикэй кыыл курдук тороппуттэр о5орун кыайан корботтор тороппут бырааба быьыллыахтаах.Иьээччи дьон о5олонуо суохтаахтар.Пособие мат. кап. туьугар торууллэр.То5о куруук биир кэм хатыыланар содур быьыыный?!

    20.12.2018

Ваш e-mail не будет опубликован.

три × два =