Ааспыт нэдиэлэ өрөбүллэригэр Саха сирин алмаастаах куоратыгар – Мииринэйгэ аан дойду күүстээх мадьынылара кыттыылаах мас-рестлиҥҥэ өрөспүүбүлүкэтээҕи аһаҕас турнир буолан ааста. Турнир Кыайыы 75 сылыгар, Мииринэй төрүттэммитэ уонна алмааһу хостуур бырамыысыланнас 65 сылыгар анаан «АЛРОСА» хампаанньа уонна Мииринэй куорат баһылыгын бирииһигэр ыытылынна.
101 кыттааччы күрэхтэстэ
Күрэхтэһии «Кимберлит» успуорт дыбарыаһыгар буолла. Турнирга Саха сирин 16 араас улууһуттан 101 кыттааччы кэллэ. Эр дьон 60, 65, 70, 75, 80, 90, 105, 125 диэри уонна 125 киилэттэн үөһээ ыйааһыннарга, оттон дьахталлар 55, 65, 75, 85 диэри уонна 85 киилэттэн үөһээ ыйааһыннарга күрэхтэстилэр. Балар истэригэр өрөспүүбүлүкэ үрдүк кылаастаах мадьынылара бары кытыннылар – Павел Черноградскай, Сергей Константинов, Федор Федоров, Анатолий Гладков, Сергей Фролкин, Юлия Михайлова, Евгения Каленкова, Норайаана Трофимова уо.д.а. Маны таһынан, аҕам саастаах эр дьон илин-кэлин түһүстэ уонна икки ыйааһыҥҥа муҥутуур кыайыылааҕы быһаардылар. Онон, күрэхтэһии уопсайа 18 категориянан ыытылынна.
Мас тардыһааччылар тыҥааһыннаах күрэхтэһиилэрэ биир помостка буолла. Маныаха Петр Колодезников сүрүн судьуйалаах сүүрбэччэ арбитр үлэлээтэ. Мииринэй олохтоохторо күрэхтэһии үөрүүлээх арыллыытыгар олус бэлэмнэммиттэр – сыананы уотунан-күөһүнэн киэргэппиттэрэ, бастыҥ нүөмэрдэри көрдөрбүттэрэ сэҥээриини ылла.
Муҥутуур кыайыылаахтар
Аан дойду чөмпүйүөннэрэ Сергей Фролкин уонна Сергей Константинов иннилэрин кимҥэ да биэрбэтилэр, онон бастыҥнарын өссө төгүл дакаастаатылар. Иккиэн турнир муҥутуур кыайыылааҕын аатын ыланнар, “АЛРОСА” хампаанньаттан уонна Мииринэй куорат баһылыгыттан 100-түү тыһыынча солкуобай харчынан наҕараадаланнылар. Муҥутуур кыайыылаах аатын таһынан, Фролкиннаах Константинов бэйэлэрин ыйааһыннарыгар эмиэ бастаатылар.
75 киилэҕэ диэри ыйааһыҥҥа муҥутуур кыайыылаах аатын иһин 13 мадьыны күрэхтэстэ. Кинилэр истэригэр өрөспүүбүлүкэ чөмпүйэнээтин призердара уонна кыайыылаахтара Анатолий Гладков, Семен Ануфриев, Дьулуур Климовскай, Геннадий Борисов, Сергей Константинов бааллар.
Түмүккэ кыайыылааҕынан Сергей Константинов таҕыста. Сергей 70 киилэҕэ диэри ыйааһыннаахтарга бастаабыт буоллаҕына, муҥутуур кыайыылаах иһин күөн көрсүүгэ бэйэтиттэн улахан ыйааһыннаах мадьынылары кытта күрэхтэһэн, кыайыылаах аатын ылла диэн бэлиэтиэххэ наада.
Оттон ыарахан ыйааһыҥҥа муҥутуур кыайыылаах аатын иһин үс киһи күрэхтэстэ. Эрдэттэн сэрэйиллибитин курдук, аан дойду чөмпүйүөнэ, Арассыыйа муҥутуур кыайыылааҕа Сергей Фролкин иннин ким да быһа түспэтэ. Онон, Сергейгэ “АЛРОСА” хампаанньа аатыттан сүүс тыһыынча солкуобайдаах сэртипикээти генеральнай дириэктэри солбуйааччы Алексей Дьячковскай туттарда.
Күрэхтэһии түмүгэ:
Дьахталларга:
55 киилэҕэ диэри –
1 миэстэ – Евгения Каленкова (Горнай)
2 миэстэ – Снежанна Алексеева (Дьокуускай)
3 миэстэ – Татьяна Дьячковская (Чурапчы)
65 киилэҕэ диэри –
1 миэстэ – Норайаана Трофимова (Амма)
2 миэстэ – Ксения Андреева (Мииринэй)
3 миэстэ – Сардаана Андреева (Дьокуускай)
75 киилэҕэ диэри –
1 миэстэ – Мария Нанова (Таатта)
2 миэстэ – Камелия Иудина (Ньурба)
3 миэстэ – Наталья Иванова (Мииринэй)
85 киилэттэн үөһээ –
1 миэстэ – Юлия Михайлова (Ньурба)
2 миэстэ – Виктория Харгатханова (Таатта)
3 миэстэ – Надежда Никулина (Таатта)
Аҕам саастаахтарга:
65 киилэҕэ диэри –
1 миэстэ – Иван Осипов (Нам)
2 миэстэ – Иван Неустроев (Амма)
3 миэстэ – Семен Михайлов (Сунтаар)
75 киилэҕэ диэри –
1 миэстэ – Андреян Харитонов (Хаҥалас)
2 миэстэ – Василий Орлосов (Бүлүү)
85 киилэҕэ диэри –
1 миэстэ – Власий Семенов (Бүлүү)
2 миэстэ – Василий Архипов (Сунтаар)
3 миэстэ – Петр Иванов (Үөһээ Бүлүү)
85 киилэттэн үөһээ –
1 миэстэ – Дьулустаан Аржаков (Ньурба)
2 миэстэ – Артем Ананьев (Сунтаар)
3 миэстэ – Василий Слепцов (Амма)
Эр дьоҥҥо:
60 киилэҕэ диэри –
1 миэстэ – Василий Муксунов (Дьокуускай)
2 миэстэ – Семен Иванов (Ньурба)
3 миэстэ – Руслан Сивцев (Ньурба)
65 киилэҕэ диэри –
1 миэстэ – Антон Евсеев (Сунтаар)
2 миэстэ – Владимир Мыреев (Мииринэй)
3 миэстэ – Арылхан Сергеев (ХИФУ)
70 киилэҕэ диэри –
1 миэстэ – Сергей Константинов (Дьокуускай)
2 миэстэ – Айаал Буртахов (Үөһээ Бүлүү)
3 миэстэ – Егор Свинобоев (Мэҥэ Хаҥалас)
75 киилэҕэ диэри –
1 миэстэ – Анатолий Гладков (Нам)
2 миэстэ – Дьулуур Климовскай (Дьокуускай)
3 миэстэ – Семен Ануфриев (Уус Алдан)
80 киилэҕэ диэри –
1 миэстэ – Егор Гуляев (Дьокуускай)
2 миэстэ – Дмитрий Кириллин (Сунтаар)
3 миэстэ – Маркел Корнилов (Сунтаар)
90 киилэҕэ диэри –
1 миэстэ – Павел Черноградскай (Дьокуускай)
2 миэстэ – Семен Иванов (Ньурба)
3 миэстэ – Владимир Трофимов (Хаҥалас)
125 киилэҕэ диэри –
1 миэстэ – Федор Федоров (Сунтаар)
2 миэстэ – Степан Тобонов (Ньурба)
3 миэстэ – Юрий Михайлов (Сунтаар)
125 киилэттэн үөһээ –
1 миэстэ – Сергей Фролкин (Томпо)
2 миэстэ – Илья Игнатьев (Сунтаар)
Айтана Аммосова бэлэмнээтэ, edersaas.ru
Дьулустаан Сергеев хаартыскаҕа түһэриилэрэ.