Бүгүҥҥүттэн, атыннык эттэххэ, муус устар 15 күнүттэн Дьокуускай – Аллараа Бэстээх хайысханан кыһыҥҥы суол сабыллан, номнуо сымнаҕас сыттыктаах суудуналар сырыылара саҕаланна.
edersaas.ru
“Хивус” суудуналар Дьокуускай куорат 202-с микро-оройуонуттан Аллараа Бэстээх кытылыгар диэри дьону туораталлар. СӨ Тырааныспарын уонна суол хаһаайыстыбатын министиэристибэтин пресс-сулууспата иһитиннэрбитинэн, суудуналар сарсыарда 8 чаастан киэһээ 20.00 чааска диэри сылдьаллар. Билигин урбаанньыт Валерий Тё икки суудуната дьону туоратар. Мантан саас өссө биэһи линияҕа таһаарар былааннаах. Тарыып 1500 солкуобай. Кыра оҕолору (биэс саастарыгар диэри) босхо таһаллар. Маны таһынан сэрии бэтэрээннэригэр уонна 5-тэн 10-гар диэри саастаах оҕолорго 50 бырыһыаннаах чэпчэтии көрүллэрин туһунан министиэристибэ пресс-сулууспатыгар иһитиннэрбит.
Хаартыска интэриниэттэн туһанылынна.
Биһ. корр., edersaas.ru
+1
+1
+1
+1
+1
+1
+1