Бүгүн бастакы вице-премьер Алексей Колодезников суруналыыстары кытта көрүстэ, Дьааҥыга барбыт баһаар туһунан быһыыны-майгыны билиһиннэрдэ. Билиҥҥи туругунан, онно 11 баһаартан түөрдүн уодьуганнаатылар. Баһаар барбытынан биир киһиэхэ холуобунай дьыала тэрилиннэ.
“Өрөспүүбүлүкэҕэ 400 тыһ. гектар сир уокка былдьанна, мантан аҥаара – Дьааҥы улууһугар. Барыта хонтуруолга ылылынна. Уот барыыта оту өртөөһүнү кытта сибээстээх диэн быһаарылынна. Онно, билиҥҥи туругунан, 11 баһаар баарыттан түөрдүн уодьуганнаатылар. Дьааҥы улууһун баһылыга иһитиннэрбитинэн, 20 мөл.солк. тахса хоромньу таҕыста. Биһиги сорукпут баһаар иэнэ улааппатын хонтуруоллааһын буолар. Миэстэтигэр быыһыыр сулууспа уонна МЧС үлэлииллэр. Бөртөлүөт көтүөҕэ, резервнэй пуондаттан уматык көрүллүөҕэ. 400 олохтоох киһи баһаары умулларыыга үлэлиир. Нэһилиэнньэҕэ куттал суоһаабат”, — диэтэ Алексей Колодезников.
Санатан суруйдахха, Дьааҥы улууһугар бэс ыйын 24 күнүгэр ыксаллаах быһыын-майгыны биллэрбиттэрэ.
Айтана Аммосова, edersaas.ru
+1
+1
+1
+1
+1
+1
+1