2017 с. Бөтүүк сылыгар анаммыт аккырыыккалар араастара элбэх, ким тугу сөбүлүүрүнэн талар кыахтаах. Онтон сорохтор бэйэлэрэ илиилэринэн оҥороллор. Оҥоһуктарын дьикти матырыйаалларынан, солко лиэнтэнэн, хоруоҥканан, пайетканан, стразанан уо.д.а. киэргэлинэн симииллэр. Бэйэ оҥоһугун чугас киһигэр эбэтэр биир идэлээххэр, эбэтэр салайааччыгар биэрэр кыбыстыыта суох.
Оҕолоргутун, сиэннэргитин кытары бииргэ олорон маннык аккырыыккалары оҥоруохха сөп:
Надежда ЕГОРОВА, «Саха сирэ» хаһыат, edersaas.ru
«Саҥа дьыллааҕы елка»
Аккырыыккаҕа елканы симиибит. Киэргэтиигэ Саҥа дьылга сыһыаннаах ханнык баҕарар бытархай матырыйааллар сөп түбэһэллэр. Кырыллыбыт төгүрүктэр, хоруоҥкалар, гирлянда бытархайдара, тимэхтэр, хаардар, лиэнтэлэр уо.д.а. туһаныллаллар.
«Саҥа дьыллааҕы елка»
Хоруоҥкалаах елка
Биир өҥнөөх, араас иэннээх хоруоҥкалар наадалар. Оччоҕо елка лаампа уотугар сырдаан, араас өҥүнэн оонньуоҕа, тыыннаах курдук көстүөҕэ.
«Хоруоҥкалаах елка»
Матырыйааллара:
Саҥа дьыл уруһуйдаах кумааҕы;
хортуон;
3 араас иэннээх, биир өҥнөөх хоруоҥка;
сылаас килиэй;
икки өрүттээх скотч;
кыптыый;
лиэнтэ.
«Саҥа дьыллааҕы 3D»
Маннык аккырыыкка Саҥа дьыллааҕы бэлэххэ интэриэһинэй эбилик эбэтэр туспа интерьер буолуон сөп. Эбии кылаабынай дьоруойдары эбиэххэ сөп.
Матырыйааллара:
Икки өрүттээх хортуон;
елкаҕа уонна хаар киһиэхэ хортуон;
килиэй;
«Снежинка» хайаҕас үүттээччи;
лиэнтэ;
ханнык баҕарар декор;
кыптыый.
Надежда ЕГОРОВА, «Саха сирэ» хаһыат, edersaas.ru