Айсен Николаев: Саха сирэ Арассыыйа кииниттэн туох да уратыта суох буолуохтаах

Бөлөххө киир:

Ил Дархан Айсен Николаев Москва баһылыгын Сергей Собянины кытары көрсөн бииргэ үлэлэһии туһунан кэпсэттэ.

Айсен Сергеевич көрсүһүүгэ Саха сиригэр, ону ааһан Уһук Илин эрэгийиэннэригэр, дьон-сэргэ олохсуйа хаалыыта биир сүрүн оруолу ыларын бэлиэтээн туран, өрөспүүбүлүкэ салалтата нэһилиэнньэ олоҕун тупсарыыга үлэни-хамнаһы туһулуурун этэр. “Нэһилиэнньэ олоҕун тупсарыыга үлэ барыахтаах. Саха сирин хас биирдии олохтооҕо Арассыыйа киин эрэгийиэниттэн итэҕэһэ суохтук олоруохтаах”, — диэн иһитиннэрэр кини.

Онуоха, бастатан туран, каадыр боппуруоһун быһаарыы улахан оруоллаах. Айсен Николаев бэлиэтииринэн, билигин өрөспүүбүлүкэҕэ аныгы технологияны киллэриигэ каадырдар тиийбэттэр. Ол иһин Саха Өрөспүүбүлүкэтэ Москва бырабыыталыстыбатын кытары каадыры иитэн таһаарыыга, уопуту атастаһыыга үлэлэһэр, дуогабар түһэрсэр санаалаах. Ону сэргэ Инновационнай менеджмент үрдүкү оскуолата уонна Москватааҕы салайар университет бииргэ үлэлэһэргэ сөбүлэһии түһэрсиэхтээхтэр.

Айсен Николаев каадыр боппуруоһугар чуолаан тутууга, нэһилиэнньэлээх пууну тупсаран оҥорууга исписэлиистэр уопут атастаһыахтарын наадатын бэлиэтээн эттэ. Онуоха Москва хампаанньаларыгар Саха сирин исписэлиистэрэ стажировка баралларыгар туруоруста.

Ону таһынан көрсүһүүгэ туризм, федеральнай сокуоннар тустарынан кэпсэттилэр.

Аграфена КУЗЬМИНА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0