Айсен Николаев Өлүөнэ муостатынан төлөбүрдээх туоруур туһунан иһитиннэриини дьиҥэ суоҕунан аахта
Саха сирин Ил Дархана Айсен Николаев Өлүөнэни туоруур муостанан ааһыы тырааныспар бары көрүҥнэригэр, ол иһигэр чэпчэки уйуктаах массыыналарга төлөбүрдээх буоларын туһунан иһитиннэриини дьиҥэ суоҕунан аахта.
Дьокуускайга Өлүөнэни туоруур муоста сыанатын толуйуу ньымата чэпчэки уйуктаах массыыналар төлөөн ааһалларын ирдээбэтин Айсен Николаев эрдэ бэлиэтээбитэ. Төлөбүрү ыарахан уйуктаахтартан эрэ ылыахтара. Сонуннары киэҥник тарҕатар ситимнэргэ төлөбүр бары көрүҥнээх массыыналар туорааһыннарыгар баар буоларын туһунан иһитиннэрии тахсыбыта, диэн РИА Новости иһитиннэрэр.
“Бу олоччу сымыйа. ВИС бөлөҕүнэн бэриллибит концессионнай сөбүлэһиигэ, сокуоҥҥа олоҕуран булгуччулаах буолуохтаах чопчу нуормалар бэриллибиттэр. Чэпчэки уйуктаах массыыналар төлөбүрдээх ааһыыларын сыыппаралара – бу Саха Өрөспүүбүлүкэтигэр буолуон сөптөөх төлөбүрдээх муостанан ааһыы муҥутуур сыаната, өскөтүн ити тутулуннаҕына. Ол аата, чэпчэки уйуктаах массыыналар туоруулларыгар төлөбүр киириэ диэн өйдүүр табыллыбат. Өлүөнэ муостатынан туоруурга чэпчэки уйуктаах массыыналар төлөөбөттөр”, — диэтэ Николаев суруналыыстарга.
СИА.