Айсен Николаев —Эбээн Бытантай улууһугар
· - Бэлиитикэ - Олох-дьаһах

Айсен Николаев —Эбээн Бытантай улууһугар

Үс нэһилиэктээх, 2853 нэһилиэнньэлээх, дьоҕус, хотугу Эбээн Бытантай улууһа 1989 сыллаахха  тэриллибитэ. Ол иннинэ, бу үс нэһилиэк Дьааҥы улууһугар киирэрэ. 2019 сыл ыам ыйыгар, улуус төрүттэммитэ 30 сылыгар, Эбээн Бытантай улууһа Арассыыйа Арктическай сиригэр киирбитэ.

Бүгүн, тохсунньу 22 күнүгэр Ил Дархан Айсен Николаев Эбээн Бытантай улууһугар үлэлиир. Кини Дьарҕалаахха баар “Сайдыы” диэн ааттаах 5-ис  нүөмэрдээх саҥа экспериментальнай хочуолунайга сылдьыаҕа.  Өрөспүүбүлүкэҕэ биир биллэр, саха ынаҕын иитэр «Бытантай» диэн бүддьүөт хаһаайыстыбатын үлэтин-хамнаһын билсиэҕэ. Ону таһынан, Р.И.Шадрин аатынан Саккырыыр орто оскуолатыгар ыалдьыттыаҕа.

Бүгүҥҥү үлэ түмүгүнэн, Айсен Николаев  улуус социальнай-экэнэмиичэскэй сайдыытын сүрүн хайысхаларын быһаарар  мунньаҕы иилээн ыытыаҕа.

 

 

Ньургуйаана Иванова, «Саха сирэ» хаһыат, edersaas.ru

Хаартыскалар  Эбээн Бытантай улууһун «Бытантай уоттара»  хаһыаттан

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

4 × четыре =