Айсен Николаев бастакы ыйааҕа
Олох-дьаһах

Айсен Николаев бастакы ыйааҕа

Айсен Николаев бу бэнидиэнньиктэн саҕалаан Ил Дархан эбээһинэһин толоро сылдьар. Бу күннэргэ бастакы ыйааҕын таһаарда.

edersaas.ru

Сааскы халаан уута биһиги өрөспүүбүлүкэбитигэр 47 нэһилиэнньэлээх пууну таарыйда. Ол курдук, Амма, Уус Маайа, Таатта, Чурапчы, Томпо, Хаҥалас, Мэҥэ Хаҥалас, Уус Алдан, Нам, Кэбээйи, Үөһээ Халыма, Орто Халыма улуустарын нэһилиэктэрэ уонна Дьокуускай куорат эмсэҕэлээтилэр.
Айсен Сергеевич суруналыыстары кытары көрсүһүүтүгэр халаан уутуттан эмсэҕэлээбит нэһилиэнньэлээх пууннары уталыппакка чөлүгэр түһэриэххэ, дьоҥҥо-сэргэҕэ көмө түргэнник барыан наадатын эттэ. “Халаан уутуттан тахсыбыт содулу ааҕыы бара турар. Билиҥҥи туругунан, өрөспүүбүлүкэ үрдүнэн барыта 1,1 млрд солк. хоромньу таҕыста. Кэбээйи, Орто Халыма, Үөһээ Халыма улуустарын хоромньулара ааҕылла илик. Онон бастакы уочарат халаан уутун содулун туоратыыга үлэни ыытыахпыт. Бары куолаан үлэлээтэхпитинэ тахсыбыт алдьархайы түргэнник туоратыахпыт. Онон бастакы ыйааҕым халаан содулун туоратыыга үлэлэһии туһунан буолар”, — диэн бэлиэтиир кини.
Саҥа ыйааҕынан, былаас бары уорганнара бу сылга халаантан эмсэҕэлээбит нэһилиэнньэлээх пууннары чөлүгэр түһэриигэ болҕомтолорун ууруохтара. Саха сирин резервэтин фондата 300 мөл. солк. диэри улаатыаҕа. Ону таһынан коммунальнай хаһаайыстыбалар ититиини биэрэллэрин уһатыахтара. Хоромньуну ааҕыы бэс ыйын 5 күнүгэр диэри түмүктэниэҕэ.

Аграфена КУЗЬМИНА, “Саха сирэ” хаһыат.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

18 + 16 =