Айсен Николаев “Аврора” авиахампаанньа салайааччытын кытта көрүстэ

Ааптар: 
Бөлөххө киир:

Арассыыйа бэрэсидьиэнэ Владимир Путин тэрийэргэ сорудахтаабыт Уһук Илиҥҥи авиахамапаанньа бырайыагын, Саха сирин баһылыга Айсен Николаев уонна “Аврора” авиахампаанньа генеральнай дириэктэрэ Константин Сухоребрик дьүүллэстилэр.

РФ Бырабыыталыстыбатын сорудаҕар олоҕуран, биир кэлим Уһук Илиҥҥи авиахампаанньаны тэрийэр сорук турбута. Бу авиа-тиэйээччилэр альянстара бэйэлэрин икки арыдыгар ыкса сибээстээхтик үлэлиэхтээхтэр. Сүрүн тиэйээччинэн “Аврора” авиахампаанньа талыллыбыта.

Айсен Николаев эрэгийиэн бу Уһук Илиҥҥи авиахампаанньаны тэрийиини өйүүрүн бигэргэттэ уонна Арассыыйаҕа оҥоһуллубут салгын суудуналардаах паарка тэриллиитин биһирээтэ. “Якутия” уонна “Полярные авиалинии” өрөспүүбүлүкэ хампаанньалара Арассыыйа сөмөлүөттэрин туһана үөрүйэхтэр, ол иһигэр SSJ-100, кинилэр Ил-114 уонна бөртөлүөттэргэ сакаас түһэрэн тураллар. “Якутия” авиахампаанньа SSJ-100 салгын суудунатын уустук айылҕа усулуобуйатыгар үлэлэтэ үөрүйэх, бу сөмөлүөттэринэн Тиксиигэ, Полярнайга, Певеккэ уонна Анаадырга көтөллөр. Ону тэҥэ Дьокуускай, Хабаровскай, Владивосток, Улан Удэ, Соҕуруу Сахалин пуортарыттан Кытайга, Соҕуруу Кореяҕа, Японияҕа көтүүлэри тэрийэллэр. “Полярные авиалинии” хампаанньа өрөспүүбүлүкэ иһигэр көтөр уонна санитарнай сырыылары оҥорор.

Өрүттэр Уһук Илин олохтоохторун хааччыйыыга быдан көдьүүстээх барылы талыахпыт диэн сөбүлэстилэр, ол иһигэр уустук суоллаах-иистээх нэһилиэнньэлээх пууннары бигэ сырыынан хааччыйыыга.

sakha.gov.ru саайтан

Бэлэмнээтэ Женни СТРЮКОВА

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0