Бүгүн Ил Дархан Айсен Николаев социальнай ситимнэринэн быһа сибээскэ тахсан, көрөөччүлэр ыйытыыларыгар хоруйдаата. Оҕо сайыҥҥы лааҕырдарын уонна оҕо былаһааккаларын туһунан эттэ.
“Бастакы сезон дистанционнайынан барыаҕа. Иккис сезоҥҥа өскөтүн коронавирус балаһыанньата тубустаҕына “очно-заочно” буолуоҕа. Арааһа, үһүс эрэ сезон үгэс быһыытынан (очно) үлэлиирэ буолуо. Бастакы сезон бэс ыйын 15 күнүттэн саҕаланыан сөп”, — диэн Ил Дархан иһитиннэрдэ.
Ону тэҥэ, дьиэҕэ олоруу кэмигэр оҕо былаһааккалара үлэлиэ суохтаахтарын санатта. Халлаан сылыйбытын кэннэ кыра саастаах оҕолор таһырдьа тахсыылара үксээн, коронавируска сыстыбытарын эттэ. Ыалдьыбыт дьонтон 16-17 бырыһыана оҕолор буолалларын бэлиэтээтэ.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1