Бырабыыталыстыба бэрэссэдээтэлэ хаһан ананыай?
Олох-дьаһах

Бырабыыталыстыба бэрэссэдээтэлэ хаһан ананыай?

Бүгүн, ыам ыйын 28 күнүгэр, Айсен Николаев Саха Өрөспүүбүлүкэтин Аҕа Баһылыгын эбээһинэһигэр киирбитэ икки сыла буолла.

Кини бүгүн өрөспүүбүлүкэ сонуннары киэҥник тарҕатар тэрилтэлэр салайааччыларын кытта көрүстэ уонна ыйытыыларыгар хоруйдаата. Тэрээһин бу сырыыга уратытык ыытылынна – билиҥҥи кэм ирдэбилининэн, Ил Дархан интэриниэт ситимин нөҥүө сэһэргэстэ.

«СӨ бырабыыталыстыбатын бэрэссэдээтэлэ хаһан ананыай?» диэн ыйытыыга Ил Дархан маннык хоруйдаата:

— Бырабыыталыстыба бэрэссэдээтэлэ хайаан да наада. Тоҕо кими да анаабаккын диир буоллаххытына, билиҥҥи судургута суох эпидемиологическэй балаһыанньаҕа саҥа киһини аныыр туһата суох. Кини дьыала ис иһигэр киирэригэр бириэмэ наада, улуустары кэрийэрэ, дьону-сэргэни кытта билсэрэ ирдэнэр, ол билиҥҥи балаһыанньаҕа кыаллыбат.

Ол иһин икки киһи үлэтин толоробун. Чэпчэки диэбэппин. Сарсыардаттан экэниэмикэни чөлүгэр түһэрэр суһал ыстаап үлэтинэн дьарыктанабын, эбиэт кэнниттэн коронавирус дьаҥын утары охсуһар суһал ыстаабы салайабын.

Бүгүн мин коронавирустан атын боппуруостарынан дьарыктаммаппын, бириэмэм барыта туох баар кыһалҕаны быһаарыыга барар. Кырдьыгынан эттэххэ, маннык үлэлээбэтэҕим ырааппыт, хаһан даҕаны маннык үлэлээбэтэҕим даҕаны диэхпин сөп. Бастакы кэпсэтиилэр сарсыарда 8 чааска саҕаланаллар, онтон күнү түмүктүүр кэпсэтиилэр түүн 4 чааска түмүктэнэллэр…

Родион Кривогорницын, «Саха сирэ» хаһыат, edersaas.ru

СИА хаартыската.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

10 − три =