Айсен Николаев коронавирус тарҕамматын туһуттан эбии миэрэлэри ылынарга ыҥырда
Саха сирин баһылыга Айсен Николаев кулун тутар 21 күнүгэр тэрилтэ салайааччыларыгар коронавирус тарҕамматын туһуттан эбии миэрэлэри ылыналларыгар ыҥырбыта.
РФ кылаабынай санитарнай бырааһын «Об обеспечении режима изоляции в целях предотвращения распространения новой коронавирусной инфекции (COVID-19)» диэн кулун тутар 18 күнүнээҕи уурааҕынан, Ил Дархан тэрилтэ салайааччыларыгар тас дойдулартан, Арассыыйа куораттарыттан кэлбит үлэһиттэри үлэттэн 14 күн тохтотоллоругар дьаһайбыта.
Маны тэҥэ үрдүк температуралаах, күөмэйэ ыалдьар, тумуулаабыт, сөтөллүбүт үлэһиттэри эмиэ тохтоппуттара.
Тэрилтэ салайааччылара Саха сиригэр тас дойдулартан, атын куораттартан кэлбит үлэһиттэр тустарынан Саха сиринээҕи Роспотребнадзор управлениетыгар 8 800 550 21 24 суһал нүөмэргэ эрийэн биллэриэхтээхтэр.
Санатан суруйдахха, Ил Дархан кулун тутар 17 күнүгэр таһаарбыт «О введении режима повышенной готовности на территории Республики Саха (Якутия) и мерах по противодействию распространению новой коронавирусной инфекции (COVID-19)» диэн ыйааҕынан, тэрилтэ салайааччылара үлэһиттэр темпуратураларын мээрэйдииллэригэр, үрдүк температуралаахтары үлэттэн тохтоторго, самоизоляцияны тэрийэргэ, тас дойдуларга, коронавирус тарҕаммыт куораттарыгар командировкалары тохтоторго, кыаллар буоллаҕына, тастан үлэлиргэ сүбэлээбитэ.
Ил Дархан уонна бырабыыталыстыба пресс-сулууспата.
Хаартыска — пресс-сулууспаттан.