Айсен Николаев Иенгра табаһыттарын династиятын ытык кырдьаҕаһын үбүлүөйүнэн эҕэрдэлээтэ

Ааптар: 
Бөлөххө киир:

Табаһыттар династияларын аҕа баһылыга, Иенгрэ сэлиэнньэтин олохтооҕо Ольга Семенова 80 сааһын томточчу туолла. Үбүлүөйдээх бэлиэ күнүнэн үлэ бэтэрээнин өрөспүүбүлүкэ баһылыга Айсен Николаев эҕэрдэлээтэ.

Ольга Гавриловнаны чиэстээһин Иенгра этническэй киинигэр ыытылынна. Өрөспүүбүлүкэ Ил Дархана Айсен Николаев бэтэрээни өр сыллаах, үтүө суобастаах үлэтинэн истиҥник эҕэрдэлээтэ. Уонна өйдөбүнньүк бэлэхтэри туттарда.
Иенгра сэлиэнньэтигэр Хоту дойду төрүт үгэстэрин харыстааһыҥҥа үгүс үлэ ыытыллар. Ол эрээри судаарыстыба ханнык баҕарар көмөтө туһата суох буолуоҕа, өскөтүн бу үтүө үгэстэри кэлэр көлүөнэлэргэ тиэрдэр дьон суох буоллахтарына. Ольга Гавриловна балартан биирдэстэрэ. Кини олоҕун бүттүүнүн тыа хаһаайыстыбатын төрүт салаатын сайыннарыыга анаата. Кини – биһиги өрөспүүбүлүкэбит киэн туттуута”, — диэн эҕэрдэ тылыгар баһылык бэлиэтээтэ.
Ольга Гарвиловна 1940 сыллаахха Чульмаҥҥа күн сирин көрбүтэ. Тоҕус саастааҕар тулаайах хаалан, оҕо сааһыттан үлэҕэ сыстыбыта. Оҕо саадыгар ньээҥкэлээбитэ уонна Золотинка бастакы дьиэлэрин тутууга үлэлэспитэ. 1955 сыллаахха төрүт табаһыттар уолларыгар кэргэн тахсан, 8 оҕону төрөппүтэ. 6 оҕото эмиэ төрөппүттэрин курдук табаһыт, чуум үлэһитэ буолбуттара. Икки кыыстара учууталлар.
Төһө да сааһырдар, бэтэрээн күн бүгүҥҥэ диэри таба биригээдэтигэр сылдьар, 46 табалаах. Кини эбэҥки Нюрмаган аҕа ууһун бэрэстэбиитэлин быһыытынан бэйэтин үгэстэрин 24 сиэнигэр уонна 17 хос сиэнигэр иҥэрэр. “Ийэ албан аатын ” уордьанын иккис уонна үһүс истиэпэннээх уордьаннарынан наҕараадаламмыта.

Саха Өрөспүүбүлүкэтин Ил Дарханын уонна Саъха Өрөспүүбүлүкэтин Бырабыыталыстыбатын пресс-сулууспата

Женни Стрюкова бэлэмнээтэ

+1
0
+1
0
+1
0
+1
0
+1
0
+1
0
+1
0