Айсен Николаев тохсунньу 20 күнүгэр Нерюнгри оройуонугар тиийдэ. Оробуочай сырыытын кэмигэр икки күн устата өрөспүүбүлүкэ баһылыга кэккэ мунньахтары ыытыаҕа уонна социальнай эбийиэктэргэ сылдьыаҕа.
Өрөспүүбүлүкэ баһылыга оройуон социальнай-экэнэмиичэскэй сайдыытыгар туһуламмыт сүбэ мунньаҕы ыытыаҕа. Чуолаан, олохтоох аэропуорту саҥардан оҥорууну уонна саахалланар туруктаах дьиэттэн көһөрүү бырагырааматын толоруу боппуруоһун көрүөҕэ. Ону сэргэ баһылык “Якутуголь”, “Эльгауголь” уонна “Колмар” таас чоҕу хостуур хампаанньалар үптэрин, хаһаайыстыбаннай үлэлэрин уонна чугастааҕы сылларга былааннарын билсиэҕэ.
Айсен Николаев “Инаглинскайдааҕы” хайа-байытар кэмбинээккэ, оҕо поликлиникатыгар, Омулинскайдааҕы ууну ылар сиргэ, оҕо лааҕырыгар, Иенгрэҕэ кыылы иитэр пиэрмэҕэ сылдьара күүтүллэр. Ил Дархан олохтоох урбаанньыттары кытта көрсүһүөҕэ.
Саха Өрөспүүбүлүкэтин Ил Дарханын уонна
Саха Өрөспүүбүлүкэтин Бырабыыталыстыбатын пресс-сулууспата.
Бэлэмнээтэ Женни Стрюкова.