Айсен Николаев: “Нацбырайыактары олоххо киллэрии чопчу дьаһаллары эрэйэр”
Саха сирин баһылыга Айсен Николаев кулун тутар 4 күнүгэр киэҥ ыҥырыылаах мунньах кэмигэр өрөспүүбүлүкэ бырабыыталыстыбатын уонна структураларын салайааччыларыгар инники кэмҥэ сүрүн соруктары туруорда.
Ил Дархан бэлиэтииринэн, федеральнай сокуоннаска уонна Арассыыйа Бэрэсидьиэнин Ыйааҕар олоҕуран, субъектар баһылыктара регионнааҕы парламеннарга сыллата ыытыллар судаарыстыбаннай былаас ситэриилээх уорганнарын ыыппыт үлэлэрин отчуоттуохтаахтар. “Сыллааҕы отчуокка бэлэмнэнии чэрчитинэн ааспыт сыллааҕы отчуот түмүгүнэн Судаарыстыбаннай Мунньах (Ил Түмэн) Уурааҕар ыйыллыбыт боппуруостарга сүрүн болҕомто ууруллуохтаах”, — диэн Айсен Николаев бэлиэтээтэ.
Саха сирин Ил Дархана маны сэргэ мунньах кыттыылаахтарыгар социальнай суолталаах өҥөлөрү оҥоруу усулуобуйатын хаачыстыбатын тутулуга суох сыаналааһын түмүктэрин публичнай отчуотун саҕалыыр туһунан санатта. Арассыыйа Бырабыыталыстыбатын уурааҕар олоҕуран, маннык суругунан аһаҕас отчуот регионнааҕы парламеҥҥа түһэриллиэхтээх уонна Интэриниэт тиһигэр судаарыстыбаннай былаас уорганнарын дьиҥ таһымнаах саайтыгар тахсыахтаах.
Бырабыыталыстыба чилиэннэрин сүрүн болҕомтотун Ил Дархан национальнай бырайыактары олоххо киллэриигэ тарта. “Өрөспүүбүлүкэ бырабыыталыстыбата хайыы үйэ билиҥҥиттэн национальнай бырайыактары олоххо киллэриигэ дьоһун үлэни саҕалыахтаах. Экэниэмикэ уонна социальнай эйгэ кэккэ салааларыгар кэккэ бырагыраамалар уонна бырайыактары олоххо киллэрии чопчу быһаарыылары ылынары ирдиир, бу суолу өрөмүөннээһиҥҥэ, сууллар туруктаах дьиэттэн көһөрүүгэ сыһыаннаах”, — диэн Айсен Николаев бэлиэтээтэ.
Пленарнай мунньах түмүгэр Ил Дархан бырабыыталыстыба чилиэннэрин эр дьоҥҥо Көҥүл тустууга аан дойду кубогын, муниципальнай тэриллиилэр съезтэрин, Гражданскай форум, Ил Түмэн 25 сылын бэлиэтээһин курдук улахан тэрээһиннэри үрдүһк таһымнаахьык ыытарга ыҥырда.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.